首頁 日報娛樂

疫情下唔使頭痕搵工實習 涂毓麟疊埋心水做歌手

14/11/2020
■涂毓麟唔再係樂壇新人,較之前多咗壓力。
■涂毓麟唔再係樂壇新人,較之前多咗壓力。 (1/7)

  「公子」涂毓麟(Oscar)出道一年出咗4首單曲,除咗處男作《二人一世界》外,再有《Never Mind》、《日出彩虹》及《視像見》。讀緊科大環球商業系YEAR 3嘅Oscar,喺疫情下做歌手反而覺得係入咗避風塘:「o依家我認定要唱歌,全神貫注唱歌寫歌先,唔使好似同學咁,搵緊求職機會,好徬徨。」採訪:方騫平



  月前涂毓麟出完新歌《日出彩虹》,好快緊接再出《視像見》,歌詞係緊貼疫情下,大家面對嘅問題:「呢首歌對我嚟講好特別,係我跟大學同科朋友一齊創作,亦係公司選用我嘅第一首歌曲,因為係自己作曲,錄音過程好順利,只係用咗6個鐘頭就起貨喇。」

  提到出歌期間,MIRROR成員盧瀚霆(Anson Lo)、江𤒹生(Anson Kong)、柳應廷(Jer)及姜濤齊出新歌,Oscar唔覺被夾擊,「大家有唔同風格,冇問題嘅,呢個市場需要唔同元素,每人鍾意嘅嘢都唔同,所以唔構成『攬炒』,好似我首歌《視像見》咁好貼地,講緊o依家發生緊嘅事,同佢哋嘅愛情歌唔同,而且一年得嗰365日,香港有咁多個男歌手,唔通個個都避開晒咩?就算同公司都會有相撞啦,我覺得愈多人出歌愈好,可能中間有啲時間冇人出歌,我反而覺得好空虛。」目前Oscar疊埋心水做創作歌手:「好多同學都搵緊工,但疫情關係,實習、搵工機會少咗好多,過去我都做過幾份實習工作,o依家競爭真係大咗,好彩我認定咗唱歌,讀書以外會集中火力去做,唔想半桶水。」

其他文章
hd