首頁 日報娛樂

《全民III》惡導師食吹波糖自拍 45歲彭秀慧帶契女公園玩有艷遇

16/11/2020
嘟嘴賣萌
■Kearen與契女脫下口罩,食住Bubble Gum在日落美景前玩自拍。
嘟嘴賣萌 ■Kearen與契女脫下口罩,食住Bubble Gum在日落美景前玩自拍。(1/11)

  45歲的彭秀慧(Kearen)集編、導、演、教、寫於一身,有廿年演出經驗的她曾獲香港舞台劇獎最佳女主角,前年仲憑首部執導的電影《29+1》勇奪金像獎新晉導演,又在法國尼斯國際影展獲頒最佳導演(外語劇情片),非常威水,最近Kearen為《全民造星III》任導師,面對一班甩皮甩骨學生,彭導經常忍唔住咆哮,講嘢亦相當Mean,原來「惡導」真人原來好Cute。日前《頭條日報》記者影到Kearen湊契女去淺水灣玩,兩人食住吹波膠扮Cute玩Selfie,全程表現溫柔,最後仲有艷遇O添!

今季《全民造星III》以「藝人再出道」為主題,由彭秀慧和林二汶擔任導師,面試期間前者曾被認錯為唱《從不喜歡孤單一個》的彭家麗,觀眾覺得好笑但彭導就一臉尷尬!而進行訓練其間,參賽者們終於見識到Kearen的兇狠樣,嚇到大家都話:「彭老師比較Mean,好想上二汶老師嘅聲樂堂。」不過鏡頭前瘋狂鬧人,私底下的她其實好溫柔又有愛心!上周日(8日)下午4時許,Kearen帶契女到淺水灣享受人生,兩人先在沙灘附近的Coffee Shop買果汁和麵包,之後就去公園「放電」。

邂逅外籍男

  行到去公園,Kearen選擇坐在長櫈上,一邊目及實契女一邊歎牛角包;食飽後,她便化身「龍友」,不停用手機為契女多角度影相及拍片,有彭導親自操刀紀錄成長片段,真係令人羨慕。見到夕陽幾靚,兩人又走到旁邊的花槽前除罩,並一人啪一塊Bubble Gum,Cute爆對鏡頭吹住波玩自拍,睇見Kearen嘟晒嘴咁,少女味即刻返晒嚟!之但係徒手拎塊吹波膠出嚟嘅時候,兩人都好似冇消毒雙手喎,好唔衛生啫。最後,Kearen見到一個外籍男士拖住狗仔散步,愛狗Kearen就踎低撩狗玩咗陣,事後她還於IG出Po自爆跟法籍狗主好有緣,皆因對方於法國製作音樂劇,來港後創立的珠寶品牌又有「29」呢個數字,唔知呢位型男有冇家室呢?

採訪:張詠森

其他文章
hd