首頁 日報娛樂

同花姐拍廣告被指內定冠軍 《造星III》Timo:用實力證明

20/11/2020
■Timo坦承參加得《造星》就預了有負評,雖然壓力大亦當作是個訓練機會。
■Timo坦承參加得《造星》就預了有負評,雖然壓力大亦當作是個訓練機會。 (1/6)

  ViuTV《全民造星III》83位參賽者爭做50強的前哨戰剛結束,順利入圍的參賽者中最搶眼肯定有勁跳得的26歲Timo(江宏基),加上他跟節目監製花姐(黃慧君)合作拍攝該節目冠名贊助的銀行廣告,令他不但人氣急升ig粉絲由3千變9千,亦被網民封為「花姐契仔」及傳為「內定冠軍」,對於傳聞Timo斬釘截鐵否認,更自信強調:「我一直相信用實力說話。」 撰文:杜淑霞

攝影:李維隆 服裝:DPLS LOS ANGELES @VIBEZMART 場地:Fivez

  Timo在18歲時跳街舞認識狄易達,多年來跟對方亦師亦友,跳舞及做人都受對方好大影響。5年前Timo嘗試演出,3年前正式簽約經理人入行,跳舞外再向演員路出發,直到近大半年工作量大減,經理人建議他參加《造星III》,他形容「諗都冇諗」就答應,「我有9個月至半年冇工開,唯有將自己積蓄慢慢搣,最窮試過銀行得返4個位,真係驚㗎!所以冇嘢可以輸,咪搏一搏!同埋之前覺得未準備好唔敢參加,其實呢個世界永遠都冇話係準備好。」

  講到甫參賽已經有廣告拍,Timo認為是機會留給有準備的人,因為廣告商邀請了7、8個參賽者面試,只有他穿着西裝現身,「知道廣告要着西裝,我咪full dress up去,其他人只着T恤牛仔褲。」雖然廣告令Timo賺到人氣,但隨之而來還有傳聞,對於「內定冠軍」之說,他再澄清:「節目真係冇劇本㗎!」至於被封為「花姐契仔」,他唔怕被指偏心,「因為我一直以嚟相信用實力說話呢幾個字,如果我冇實力,我輸都唔會畀任何藉口自己,因為未夠好未夠勁,我要鍛煉好自己,而去到o依家呢個階段好多嘢,我係好努力攞返嚟,對得住自己,如果話我係內定冠軍唔得囉!」他更透露廣告仲有AnsonBean拍的版本。

  Timo自信能入到最後10強,但承認對手好強,假想敵有AnsonBean(陳毅燊)、NY(鍾諾言)和Manson(張進翹) ,他認為夠冷靜會贏到AnsonBean和NY,至於不同風格的Manson,他就直言:「我哋五五波,佢叻唱歌但唔郁,我係郁但學緊唱歌,佢都學緊跳舞,睇吓邊個學得快,我梗係話自己快啲啦!」

其他文章
hd