首頁 日報娛樂

「18禁」新歌向強尼獻吻 J.Arie認唔熟唔食

15/01/2021
■J.Arie坦承當獨立歌手不容易,心願是2022年能夠推出首張創作專輯。
■J.Arie坦承當獨立歌手不容易,心願是2022年能夠推出首張創作專輯。 (1/5)

  J.Arie(雷深如)早前推出新歌《陰陽道具》,由於題材講性,加上歌名、歌詞同MV內容屬「18禁」,極之大膽露骨,早已預料電台和電視會禁播,但她覺得這正是獨立歌手題材自由之處。今次她除了作曲,還親自寫MV劇本及執導,搵來勁老友的強尼及蝦頭大玩「3P」大膽場面,她直言貪兩人夠熟而獻上兩性的熒幕初吻,強調這種程度絕對是可一不可再。 撰文:杜淑霞 攝影:譚壹致 場地:The AIR (The ONE)

  J.Arie今次搵來填詞人梁柏堅合作推出《陰陽道具》,她指這是精神病系列繼《雙面哈菲》後第二部曲,「上次講完精神分裂,今次係想講性上癮,正所謂食色性也,係與生俱來嘅自由,兩個人赤裸咁樣面對着大家,好誠實可以毫無保留去享受性呢樣嘢,其實係我哋每個人應該唔使驚講出嚟,唔應該係禁忌,係可以毫無保留咁樣講性解放。」

  講到MV搵來強尼出任男主角,J.Arie直言貪其有佬味兼有點淫賤feel,而最重要因兩人夠熟絡,「我係晨早已經留意到佢呢個特質,我另一個搵強呢嘅原因,係佢駕馭到好多唔同嘅嘢,佢就係嗰種有少少似劉青雲嘅演員,扮乜似乜,同埋因為我哋好friend,對於我來講識嘅話,尺度反而可以更加大,其實佢之前拍過少少錫嘅嘢,佢老婆都有啲意見,好彩佢老婆知道今次係幫我就OK啦!因為我哋大家係認識嘅。其實我個初吻今次係畀咗兩個人,除咗男主角強尼,仲有女主角蝦頭。我哋三個都係主角,冇話邊個係第三者,係大家共同享用,大家睇咗個MV就會知㗎啦!」

  在疫情下當獨立歌手,J.Arie坦言是燒銀紙之舉,「今年兩隻歌都使咗成20幾萬,我喺其他方面湊湊埋埋喺嗰度就用晒,不過對我嚟講夠食就得㗎啦!」不過面對未來她依然樂觀積極,「希望湊夠5、6隻歌,到時候可以買番我喺太陽(娛樂)嘅時候冇出過碟嘅歌放落去,譬如《你死我活》嗰啲大家比較熟悉嘅電影歌曲,出一隻新曲加精選,新舊加埋就有成10隻歌,目標係2022年年頭或者年中出,係自己嘅心願,真係一隻自己切切實實由零開始去創作嘅一隻碟,做完呢隻碟就無悔,可以移民囉!哈哈哈!」

其他文章
hd