首頁 日報娛樂

Keep住33C「蜜桃胸」兼蛇腰 陳庭欣愛衝浪消耗全身力氣

15/01/2021
■Toby雖然收起性感,但葫蘆身材加長腿依然吸引。
■Toby雖然收起性感,但葫蘆身材加長腿依然吸引。 (1/7)

  由方紹聰(奶仔)主持的J2全新節目《野外步出》邀得一班TVB「小花」挑戰刺激玩意,考驗靚女嘅膽識。下周一(18日)晚輪到陳庭欣(Toby)大玩冇繩滑浪(Wakesurf)。擁有33C動感「蜜桃胸」嘅Toby,雖然身穿樽到上頸的長袖彩繒泳衣出鏡,但其貼身剪裁,加上修長美腿,凸顯完美身形!Toby開心笑說:「男友楊振源(Benny)冇讚我索,只係讚件泳衣靚!」採訪:方騫平

  節目中陳庭欣收起性感冇晒身材,不過,出鏡嘅貼身泳衣就展現出她33C-22.5-35身段及美態,相當吸睛。陳庭欣哈哈大笑說:「多謝!因為平日都有做開運動,唔會畀自己過份肥,而且有玩開Wakesurf,花費好大氣力,可以Keep到全身,不過o依家冬天冇得再玩,所以肥咗。」

  提到打頭陣嘅江嘉敏玩高空飛索,但hea足1粒鐘淆底唔敢飛,陳庭欣就冇江嘉敏咁驚青,「我前年夏天開始接觸Wakesurf,覺得女仔玩Wakesurf影相同拍片好靚。初期我試過跳落水時成塊板飛起,撼到我右眼對下顴骨位置,瘀到紫黑色咁,所以休息咗一段時間冇玩,直至去年夏天再玩番。今次只係挑戰難度邊滑邊舉住傘,不過,因為不停咁上水同埋跌落水,搞到個妝甩晒,上到岸對腳攰到抽筋,返到屋企痛到行到跛跛吓。」而陳庭欣最後接受「奶仔」訪問時,講番5歲半愛雀「Warawara」突然猝逝,及曾用4日時間尋回失蹤鸚鵡Shabushabu都有爆喊,「我人生冇乜大風浪,平平穩穩比好多人幸福,但Warawara突然猝逝令我好傷心,感受無論係身邊人同寵物,時刻都要好好珍惜。」

其他文章
hd