首頁 日報娛樂

同古天樂劉德華一齊救市 溫碧霞投資拍戲唔計較賺錢

22/02/2021
■着紅衫嘅溫碧霞喺桃花樹下影相希望增加多啲人緣。
■着紅衫嘅溫碧霞喺桃花樹下影相希望增加多啲人緣。 (1/7)

  疫情下溫碧霞(Irene)北上掘金半年,做到冇停手,直至農曆新年前先有時間返港同家人度歲,但本月尾會再返內地與張家輝合作拍攝歷史戰爭片《731》,6月為其電影工作室開第3套新戲《我們的18歲》。Irene堅持疫市下更加要投資開戲振興香港電影業,讓業界人人有工開。採訪:方騫平 攝影:張詠森 場地:LA RAMBLA @ ifc



  溫碧霞電影工作室將開拍第3套新片《我們的18歲》,電影以一個女仔的成長為題材,有取自她及身邊朋友的真人真事。Irene透露籌備3年,花咗好多心機喺劇本上,所以相當期待。目前casting緊一個有氣質,飾演她少女時期的素人。

  新冠疫情肆虐全球,香港演藝行業幾乎陷入停頓狀態,溫碧霞要同古天樂、劉德華一齊救市,唔介意繼續投資:「《我們的18歲》唔係大製作冇巨額投資,當然冇古仔同華仔佢哋咁犀利啦!我冇佢哋咁有錢,只係出到小小力,佢哋對香港電影業真係出心又出力。」Irene又強調好多演員朝住開戲呢個方向發展,「演員好被動,角色唔到你揀,o依家可以拍到自己想拍嘅嘢,令到本地有多啲唔同元素嘅電影。」捱咗半世人嘅Irene說:「o依家賺錢唔係最重要,夢想更勝一切!」早前她於社交網分享在豪華別墅內牽白馬嘅相令網民熱議,她再度澄清係美麗的誤會:「呢間屋係喺杭州拍戲時嘅豪宅,因為Fans開馬場,所以帶咗兩匹小馬嚟探班,我喺內地冇房地產。」

其他文章
hd