首頁 日報娛樂

9月打擂台 首度碰頭火藥味濃 鍾培生:教訓小動物 林作囂爆:無諗過打輸

06/03/2021
■鍾培生和林作在記者會首度見面,宣佈舉行拳賽詳情。
■鍾培生和林作在記者會首度見面,宣佈舉行拳賽詳情。(1/4)

        鍾培生上月因不滿林作揶揄「抄我一百萬」,邀對方打擂台,兩人隔空過招半個月,日前簽約後,昨日舉行記者會宣佈拳賽暫定於9月舉行,鍾培生揚言會拖慢嚟打,慢慢羞辱林作,打完嘴再打身,但不會打死對方。由媽咪陪同出席的林作自認贏面大,未有立遺囑,但相信其母和女友裕美都會買鍾培生贏!

        



鍾培生和林作的擂台戰記者會昨日在鍾的淺水灣大宅的花園舉行,吸引近百傳媒到場採訪,林作帶同媽咪到場,到埗即深入敵陣 ──借用廁所,其後兩母子在花園視察環境。

四回合拳賽 或邀裕美表演

林作全程表現嘻皮笑臉,鍾培生則對他顯得不屑一顧,全程幾乎沒正眼看過林作,期間更不時爆粗大罵林作,火藥味濃!這場全城關注的「百萬擂台戰」暫定在9月舉行,拳賽分四回合,每回合兩分鐘,鍾培生透露這場售票賽事由他的公司負責製作,正邀請其他拳手參與,並邀藝人和樂隊表演,收益將捐給不同的慈善機構。

鍾培生在18年首次參加拳賽,林作是他最弱的對手,但他仍會積極備戰,揚言本來用10秒就能打低林作,但會拖慢來打折磨對方,在台上會揼和羞辱林,先打其嘴再打身體,要令林要被抬出擂台!

林作估媽咪女友買對家贏

鍾培生昨日是首次和林作見面,「望住佢嘅態度、衣着同髮型,成『Pat』屎咁,好難唔燥,個個都想打佢。(有網民指你們夾份做騷?)我之前已解釋過,點夾都不會同垃圾夾。我媽媽同嫲嫲都有幫佢唸經,叫我唔好打死人,鍾家做好多善事,但我唔會就住嚟打,我本來想搵殯儀館Sponsor,但現在覺得搵輪椅更好!佢經常欺負弱者,佢嘅舊同事都有向我訴苦,佢係賤畜係賊,我係教訓小動物。」鍾不排除邀林作的女友裕美做表演嘉賓,至於有否和解機會?他說:「有咩好傾?佢學識做男人之後,我都可以嘗試了解佢。」

林作就貫徹嘻皮笑臉態度稱欠缺經驗,但擂台戰是反映普通人對權貴的表現,更叫大家公投誰會勝出,又說贏輸都有100萬元非常吸引,笑指媽咪比他更睇重100萬,「佢叫我快啲打,佢仲以為今日就要打,我覺得屋企人唔喜歡我。」鍾培生聞言道:「全世界都唔喜歡你!」林作就指還有女友和愛犬喜歡他。

問到對拳賽有否信心?林作說:「好有信心,十拿九穩,我嘅贏面係六比四,我六佢四,我下星期開始操,會打得好,我又有身高、體重、運動細胞呢啲優點。我無諗過打輸,更無諗過會死,腦海中都係贏咗之後要如何挽回佢嘅顏面,能引起鍾培生對我嘅興趣,係我現時人生中最大嘅成說。」因媽媽已很有錢,自己的保險受益人是裕美,談到鍾是大熱賠率一賠一,林作是一賠七,林作笑指自己代表香港最好的投資機會,但相信媽咪和女友都會買鍾培生贏!

其他文章
hd