首頁 日報娛樂

搞短片平台助藝人搵快錢 周子揚邀張致恆拍片解財困

08/03/2021
■與內地女友分手一年多的子揚稱目前專心工作。
■與內地女友分手一年多的子揚稱目前專心工作。 (1/7)

  周子揚最近投資7位數開創短視頻互動平台「民間代言人SpokesPerson」,為香港的中小企業作宣傳營銷,同時讓藝人及KOL也能接任務賺外快,「疫情關係,好多藝人唔能夠商演,但商戶又想賣產品,喺呢個平台只要撳個掣,無論素人定明星都可以做代言。」當中,已邀請爭落周身債的張致恆(Steven)加入,跟他相識多年的子揚也差點做「債主」,「仔細老婆嫩,佢壓力都大,男人開到口肯定好辛苦,我都理解嘅。」採訪:黎寶倫

  人稱「西貢地王太子爺」的周子揚過去從事地產、金融及保險工作,如今開設短視頻互動平台,在公司做「打雜」,拖地買電話線等一腳踢,他澄清自己一向好貼地,「我會拮魚旦、食茶餐廳,咁多年嚟媒體對我有好深嘅誤解,又標榜我係少爺仔又花弗,其實好難受,朋友都知我好踏實、上進、唔介意付出。」幾乎一日24小時都諗緊生意的他對自己要求甚高,盼業務能拓展至內地,甚至上市,「都要Step by step,希望香港人Support番呢個平台。」

  提到加入平台的張致恆近日遭貼街招追數,更傳一家四口已秘密搬到石崗新居,甚至電話都停用埋,疑似走佬避債,子揚坦言對方曾問他借錢,但為免講錢傷兄弟情而婉拒了,「一係就畀,唔好預人還,所以最後邀請佢拍短視頻,再封番利是以示Support,我諗安排多啲Job畀佢更實際,上次聯絡佢都喺內地拍緊戲,好努力,希望佢愈來愈好。(利是封咗幾多?)呢啲心意嚟。(Sell佢畀客都接受?)OK,佢知名度都高,其實每個藝人都被攻擊過,佢而家都係好爸爸照顧老婆小朋友,咁有責任感嘅男人要多多支持。」並謂Steven也樂觀面對一切。

其他文章
hd