首頁 日報娛樂

重遇41年前同學譜黃昏戀 63歲魯振順驚爆婚訊

01/04/2021
■順哥於節目中自爆婚訊!
■順哥於節目中自爆婚訊! (1/4)

  由范振鋒、林子博、張顥霖和黎奕倫主持的新城知訊節目《BiLiBALA開大喇叭》,於今日凌晨播出一集邀得「TVB綠葉王」魯振順(順哥)任嘉賓,席間,自稱「經常被人傳Gay」的順哥自爆婚訊,未婚妻是41年前於歌唱比賽認識的女同學。對於二人多年後重逢並譜出「黃昏戀」,他感性道:「真係好似阿媽派佢嚟陪我!」撰文:賈呂晨

  節目中,講到獲高人改名為「釋禧」後,魯振順便重遇41年前因參加華星娛樂舉辦的歌星選拔賽而認識、年紀比他小6歲的現任女友,「好奇怪,佢居然搵返我,可能我哋會結婚。」他續指,當年兩人一起上堂學選歌、台風等,私下同學們也有搞聚會,但因要兼顧訓練班,加上一心諗住打好事業基礎,故甚少參與活動,彼此沒有太多交流,直至去年女方從訪問中,了解到順哥為人又真又孝順,於是透過梁競徽母親取得其電話號碼,雙方聯絡後便火速撻着。

  談到一直很惦掛於2017年去世的母親,順哥哽咽道:「女友話可能係阿媽派佢嚟陪我,佢直覺想見我,我第一次食佢包嘅餃子,一食就喊,因為同我阿媽包嘅味道一模一樣,好Warm,所以就更加珍惜。」曾羨慕陳榮峻能與吳香倫譜出「黃昏戀」的順哥,如今如願以償,被問到婚禮點搞?他說:「等抗疫成功先大家一齊開心吓。(好似陳榮峻咁大排筵席?)係,佢成日話要幫我爭番口氣,唔好成日都話我係Gay!(擺好多圍?)唔知,女友話佢搞,我哋兩個都唱歌,所以會合唱,可能部份人情都會做善事。」

其他文章
hd