首頁 日報娛樂

唔介意keep住合作 劉俊謙想同蔡思韵演母子

08/04/2021
■劉俊謙坦言不排除有裸露演出,但要視乎劇本。
■劉俊謙坦言不排除有裸露演出,但要視乎劇本。 (1/7)

  劉俊謙在疫情下雖然戲劇工作減少,但仍得到客戶支持,廣告和宣傳短片拍不停,他認為可能較有新鮮感,演出又冇乜框框,而得到客戶支持。對於將跟女友蔡思韵合作劇集《二月廿九》續集,他坦言好期待,更加唔介意keep住跟女友合作,更直言兩人可挑戰母子角色;而他對角色接受能力很高,不排除有裸露演出,但首先要視乎劇本。   

撰文:杜淑霞 攝影:張詠森 髮型:[email protected] 

化妝:CarmenC 服裝:[email protected] Fashion Walk 場地:日本清酒藏所@ Fashion Walk

  對於獲廣告客戶垂青,劉俊謙認為勝在夠多元化,「之前我喺舞台劇做咗一段時間,但我喺影視圈相對係新,好多客戶同觀眾對我都唔係咁熟悉,新鮮感固然提供到,同埋我相對上包袱比較細,冇要keep某種形象,會因應好多唔同客顧同導演需要,我可以放低好多形象去配合佢哋嘅形象,呢個不嬲都係自己好想做到多元化嘅演員。」

  去年劉俊謙得到不少獎項,未來目標他最想有機會挑戰喜劇,以及跟韓國導演李滄東合作,「第一係喜劇,我拍啲影視作品相對上畀觀眾感覺好嚴肅,好沉重嘅角色,好攰㗎!我都想試吓啲喜劇或者輕鬆啲瘋狂啲嘅角色。我本身好鍾意韓國導演李滄東,佢嗰啲戲我全部都想做,我會覺得嗰種係好終極嘅嘗試,因為佢唔係嗰啲大眾好慣睇嘅電影,唔係追看性好強嘅電影,但佢對人嘅質感描繪好強。」

  劉俊謙即將在ViuTV劇《二月廿九》續集中再跟女友蔡思韵合作,他坦言不介意繼續跟女友合作,更提議兩人可挑戰敵對或者母子角色,「如果做到但係觀眾覺得好睇係好癲,母子而觀眾信喎!女友有套外國電影《墮落花》好鍾意,佢成日話好想做啲好型格嘅角色,如果佢做啲好似《攻殼機動隊》女主角嗰啲角色,我可以做隔離啲軍佬,操到200幾磅嗰啲。」他又強調不介紹嘗試任何角色或造型,就算演類型《色戒》的裸露戲亦可考慮,「李安係一個好大嘅誘惑嚟,我要點樣決定真係要睇個劇本啦!(經理人:可能導演見到佢身材就算啦!)你身材不好!哈哈!我係睇成件事,就算係個新導演,個劇本好好,而嗰場戲一定要裸露先呈現到,我覺得合理會再同屋企人同經理人傾,我係會故仔行先。」

其他文章
hd