首頁 日報娛樂

《造星III》發掘演音樂劇才華 葉巧琳望跟歌手雙線發展

14/04/2021
■Mischa好開心有機會演出音樂劇,她視為成就解鎖。
■Mischa好開心有機會演出音樂劇,她視為成就解鎖。 (1/6)

  葉巧琳(Mischa)參加《全民造星III》時被發掘演出音樂劇才華,比賽後果然機會不斷,「媽媽」梁祖堯率先搵她8月跟參賽者Manson(張進翹),以及Serrini等演出音樂劇《孿孿成人禮》,不久再獲邀演出本周五(16日)開始公演的《我們的音樂劇Reimagined》,雖然是以演唱會形式,但已令Mischa很珍惜機會,她更希望未來歌手及音樂劇雙線發展。 撰文:杜淑霞

攝影:譚壹致 髮型:Milk Chan @ Xenter 化妝:Cyrus Lee

服裝:Martine Rose、Helmut Lang @farfetch

  Mischa認為《造星III》是好豐富及精采的過程,而且賺到不少機會,「無論工作上面多咗人搵我去拍嘢,賺得最多係多咗人認識,同埋畀我爭取到做音樂劇機會,如果唔係《造星》自己有得選擇去唱音樂劇嘅歌,未必大家可以知道Mischa可以唱呢類型歌,所以有咁嘅工作機會。」

  Mischa坦言因《造星III》令中間人向音樂劇《我們》的策劃及音樂總監高世章提議用她,「我𦧲飯應㗎!我唔睇錢㗎!我free都肯做㗎!(當學嘢都抵?)係㗎!佢哋全部cast都咁有經驗,我相信喺佢哋身上會學到好多嘢,我唔會去浪費咁樣嘅機會。」她坦承正式排練發覺好有難度,因大部份音樂劇都未有機會睇,歌曲亦沒有聽過,加上要唱廣東話,但她仍會努力去演繹每首作品,「因為高世章重新編過歌,亦都覺得佢搵我係一個賭注嚟,佢好大膽搵我,我咁green佢哋真係覺得我做得嚟?!所以喺演繹時,我嘅心態係要對得住佢哋囉!對得住佢哋信任,我要做好自己本份去演繹咁多大師寫嘅作品。」

  演出完《我們》再演出《孿孿》後,Mischa最希望能夠keep住有機會演出音樂劇,「我好希望4月呢個打另一道門,8月又會打開另一道門,係好好嘅投資,所以一定要做得好囉!得㗎喎!就會再多啲機會畀我,因為我真係好鍾意音樂劇,希望我繼續行嘅路,同埋兩邊兼顧到,我未同公司講㗎!但內心好想咁樣發展落去,我始終覺得呢樣係最想做嘅嘢,唔好埋沒咗佢,既然有人睇到嘅時候,就更加應該保留呢樣嘢,如果真係可以兩邊兼顧,人生就好完美啦!」

其他文章
hd