首頁 日報娛樂

《逆天奇案》演警察溝女勁蠢 黃智賢現實冧女有一手

07/05/2021
■Ben形容今次演的「Nic Sir」查案雖醒,但追女仔卻好鬼蠢。
■Ben形容今次演的「Nic Sir」查案雖醒,但追女仔卻好鬼蠢。 (1/5)

  黃智賢(Ben)最近在TVB新劇《逆天奇案》中飾演重案組督察「Nic Sir」,雖然再演警察角色,但Ben不覺厭,因每次都有不同及有趣一面,好似今次的「Nic Sir」查案雖醒,但狂追蔣祖曼演的「律政界女神」卻好鬼蠢。不過現實中,聲稱不懂製造浪漫的Ben,冧女確有一手,拍拖時無心之舉足以令老婆記到o依家。撰文:杜淑霞 攝影:譚壹致

髮型:Hair Culture by Willie Chan 場地:台北·寬巷子 @ 海港城

  繼《雜警奇兵》和《鐵探》後再演警察角色,Ben仍未覺厭,「警察元素有好多種,可以有唔同character,同唔同崗位或者案件,好似《雜警奇兵》會地啲,但今次專做大案,可能同觀眾抽離一啲,但又可以畀到推理同懸疑部份。」

  劇中跟蔣祖曼首次合作兼演情侶,Ben笑指對方與外表不符,「佢幾好笑,cool cool哋,玩落係個小妹妹咁,佢個角色係律政界嘅女神,表現好cool,我一見到佢,覺得佢好charm,好想追佢,但呢個阿Sir破案就叻,但追女仔就好蠢啦!哈哈!唔知點埋手,佢好又cool咁對我,變咗我要用啲計仔。(有戲院包場追佢?)但作為督察薪金有限,唔係富家子弟,唔可以真係包場,只可以包九宮格附近幾個位,呢類情節幾有趣幾好笑,呢個傻佬做埋啲咁嘅嘢。」

  現實中,Ben冧女就醒得多,當年仍是女朋友的太太Maggie,到現在依然覺得浪漫仲不時掛在口邊,「我其實冇特別去諗一條橋,我冇咁有心計去相處,但記得有次打風落大雨定係豪雨嗰啲,啲街水浸,我唔想佢濕到腳,就孭佢踩住水行過去,點知一孭起佢,佢就係咁笑!唔知係咪覺得我好似傻佬咁,我當時只係想嗱嗱聲過咗嗰個位,原來佢話未畀男人孭過喎!乜原來好特別嘅咩?我哋相處當中有啲咁樣嘅片段,當時我只係想快啲解決個問題,原來佢係覺得好romantic,記咗咁多年。」

其他文章
hd