首頁 日報娛樂

撇世界級網紅囡囡行超市 李璨琛老婆揀靚食材餵Lucy

07/05/2021
■Pae帶埋工人姐姐行超市幫手拎嘢。
■Pae帶埋工人姐姐行超市幫手拎嘢。 (1/7)

  李璨琛的3歲「網紅囡囡」Lucy(李元元)好威水,至今其母梁志瑩(Pae)為她開設的IG帳戶已累積25.9萬Followers,早前更因上載一段Lucy跳唱韓國YG娛樂旗下人氣女團BLACKPINK(BP)的《BOOMBAYAH》短片,成功獲得BP經理人「官方認證」,對方亦主動追蹤埋Lucy;而早前,Lucy仲紅到登上法國雜誌《Madame Figaro》港版封面!在家中積極「練舞」的Lucy運動量咁大,Pae當然要煮啲好嘢畀囡囡食,補充體力。採訪:梁志明

  出名是「吃貨」的Lucy雖然好鍾意跳舞,但日日扭身扭勢跳到頭髮都亂埋,「招牌肚腩仔」和肥面珠依舊好肉哋,脂肪完全冇消耗過!估計也是因為媽咪Pae平日在飲食方面照顧得非常好。日前下午4時許,《頭條日報》記者於時代廣場發現Pae帶同工人姐姐到city'super買餸。當日,身穿白色長冷衫襯灰褲、戴Sharp黃格仔頸巾的李太,挽住個手袋在冷藏櫃前慢慢揀蔬菜,主攻日本食材,工人姐姐就全程站在旁邊Standby,幫阿Mum拎嘢。

  最終,Pae將一包35蚊的日本萬能蔥,以及兩包合共84蚊的日本有機春菊,遞給左右膊及胸前均孭住袋的工人姐姐代勞,自己就拎住約80蚊一條、精挑細選的日本大和芋,繼續漫遊超市。畀完錢一步出超市大門,Pae即被門外的鮮花吸引住,睇咗一陣便叫工人姐姐企埋一邊等,自己就在花店左襯右襯,買了一束粉色鮮花才離去。

其他文章
hd