首頁 日報娛樂

同外婆奶奶食母親節飯 卓韻芝頻企起身幫長輩夾餸

14/05/2021
■阿芝夫婦周日跟外婆及老爺奶奶食飯慶祝母親節。
■阿芝夫婦周日跟外婆及老爺奶奶食飯慶祝母親節。 (1/6)

  卓韻芝(阿芝)自母親於06年離世後,一直跟外婆相依為命,大前年下嫁從事電影美術的「閃電俠」梁子賢時,亦由外婆擔任證婚人。兩婆孫感情深厚,阿芝也經常以「今日阿婆金句」為題,於社交網分享與外婆同住的趣事。本周日(9日)晚,孝順的阿芝夫婦就帶外婆出街,仲約埋老爺奶奶去銅鑼灣食上海菜慶祝母親節。採訪:梁志明

  當日晚上8時許,淡妝卓韻芝與老公梁子賢推住坐輪椅的90多歲外婆到百德新街某中菜館食晚飯,同行還有老爺奶奶及兩名中年女子。由於限聚令關係,一行7人分兩張枱、用板隔住坐,雖然阿芝一邊食一邊同老公密密斟,但佢都冇唔記得照顧一班長輩,食食吓仲頻頻企起身幫大家夾餸,真係好賢淑。

  食咗個幾鐘,梁生先行去Cashier埋單,之後,阿芝與其中一名女友人到門外打開輪椅,而外婆就握實孫女婿隻手兼揸住支枴杖,緊隨其後緩緩步行出餐廳,場面好溫馨。將外婆安頓好後,阿芝便推着對方、率領眾人向維園方向離開;沿途梁子賢又除低口罩煲煙,不過為免讓婆婆吸到二手煙,他亦刻意企開少少,甚至擰埋一邊噴煙。

其他文章
hd