首頁 日報娛樂

遇狂徒偷拍問價30萬過夜 35E 「寒流女」 想出寫真但拒意淫

15/05/2021
「寒流女」
Annabelle
生日:1998年7月2日 
三圍:35E、23.5、35
身高:160cm
「寒流女」 Annabelle 生日:1998年7月2日 三圍:35E、23.5、35 身高:160cm (1/11)

        人稱「寒流女」的Annabelle Tam年初被傳媒在街頭捕獲,憑着35E導彈級身材火速上位,其IG帳戶於5個月內暴增逾3萬Followers,連Ben Sir(歐陽偉豪)都邀她演出網絡短片《Channel原來需要女》和《情人節的社交距離》,為YouTube頻道吸Like!由素人跳到幕前,年僅22歲的Annabelle希望趁後生試多啲,除了演戲方面,她仲想出個人寫真留作紀念,但拒絕仿效一班前輩O靚模玩意淫,並以32E大馬女神林明禎為目標!

撰文:黎寶倫

攝影:譚壹致

        對於忽然多人關注,目前仍當OL返朝九晚五的Annabelle表示好驚,坦言出街多了人留意自己,甚至遇上狂徒偷拍及跟蹤,聲線斯文柔弱的她說:「佢哋唔會好過份走嚟掂我,我唯有用凌厲眼神睥到佢走。」不過在社交平台上卻難避開騷擾,「有人叫我影腳或腳趾相,亦收過男性性器官特寫,但未出名前都收過,所以都冇感覺,直接無視佢。(被問價?)收過30萬過夜之類,又有啲人話有工作機會呃我去飯局,我會問對方攞卡片嚟核實身份先回覆。」雖然豐滿身材惹來不少煩惱,但她笑稱只是做激烈運動較不便,又認為着衫有線條先好睇。

聽晒男友話

  那麼男友李先生可介意她經常性感打扮?Annabelle說:「而家都接受,佢比較開放,但內衣、三點式嘅工作未必做住,視乎劇情需要先考慮,亦要詢問男友意見,佢反對都唔會做。」她亦想多作幕前發展,最想為樂隊Dear Jane拍MV及接廣告,問可介意Sell性商品?她怕醜道:「嗰啲麻麻哋,想做正面嘢多啲。」並預告稍後推出性感肖像Tee,至於會否出個人寫真?「可以考慮,趁青春做到幾多得幾多。(會好激?玩意淫?)唔會喇,我想行林明禎嗰種健康性感,佢好吸引、男仔女仔都鍾意,係我嘅奮鬥目標。」

其他文章
hd