首頁 日報娛樂

《濁水》演露宿者一周激減20磅 蔡思韵爆朱栢康拍攝一度見暈

04/06/2021
■Cecilia和朱康認為《濁水漂流》以露宿者為題。
■Cecilia和朱康認為《濁水漂流》以露宿者為題。 (1/7)

  蔡思韵(Cecilia)和朱栢康(朱康)最近在以露宿者為題電影《濁水漂流》中分飾社工和露宿者,Cecilia自爆讀書時已跟導演李駿碩(Jun)有一舞之緣,再合作感有趣;而朱康為角色在一星期內激減20磅,Cecilia爆他拍攝時一度見暈。戲中兩人首度跟吳鎮宇和謝君豪合作,他們大讚前輩演技出色外,亦好照顧拍檔。

撰文:杜淑霞 攝影:譚壹致 形象:Man Wing(朱康) 髮型:[email protected](朱康)、[email protected]

化妝:Maggie Lee(朱康)、WiLLWong 場地:Campfire Collaborative Space

  Cecilia雖然初次跟導演合作,但早已試過一齊跳舞,「我嗰時係中學生,Jun係大學生,我哋喺一個跳現代舞嘅活動合作,一齊玩一齊跳舞認識,咁多年冇見,我都有睇佢作品《翠絲》,我casting呢套戲相認番,好有趣好多年冇見,casting嗰陣都有個熟悉感。」

演技出色真假難分

  為了演露宿者,朱康除了到深水埗觀察露宿者生活狀態外,更專登為角色捱住餓在一周內激減廿磅,「我個方法咪唔食嘢,一日食一個蘋果,我住好近山,每朝跑山,會跑45分鐘至1個鐘,會check住心跳,去到禮拜尾喺個山度見暈,就跑番平地,個幾禮拜後都達標,開拍冇力就開始食番啲菜。(蔡:破地獄場戲佢差啲暈!)因為keep住食好少嘢,減到我都覺得黐線,朋友話『你勁過Christian Bale,佢收幾多錢你收幾多錢,你都可以做到你仲唔係勁過佢』,去到破地獄嗰場真係暈,雖然體力上唔需要好多,但係腦消耗,你嘅集中,咁長時間拍攝真係好辛苦。」

  講到跟吳鎮宇和謝君豪合作,Cecilia指鎮宇哥演技出色到真假難分,「佢喺現場就算唔係拍緊,會唔夠膽靠近佢,佢唔出聲好專注喺角色度,但係去到慶功宴佢成個小朋友咁,好講得笑同我哋玩埋一堆,完全係兩個人,原來嗰陣係角色嚟。」朱康就感激君豪哥多次相救,「用佢個角色嘅選擇去救咗我,有時慢咗(節奏)你唔知,佢可以帶到你喺番個正軌度,喺片場君豪哥係好take care我哋,好主動親近我哋傾偈。」

其他文章
hd