首頁 日報娛樂

馮智恒導演睇中個樣生得鈍 胡子彤演躁狂仔拍到抑鬱

05/06/2021
■馮導(左)大讚禧玲和子彤戲中表現突出。
■馮導(左)大讚禧玲和子彤戲中表現突出。 (1/7)

  由馮智恒執導電影《遺愛》以一個橫跨兩代的悲情案件作藍本,講述年輕母親Elisa(陳漢娜飾)誕下迪詩(陶禧玲飾)後犯誤殺罪,舉目無親的迪詩於廿年後亦因藏毒被捕。飾演迪詩爸爸的胡子彤今次一脫陽光形象,角色性格較單純兼躁狂,被馮導封為「人生勝利組」的他直言是一個重大嘗試,仲拍到唔識笑又抑鬱!撰文:黎寶倫 攝影:譚壹致 化妝:Bon [email protected] makeup academy(子彤) 髮型:[email protected](子彤) 服裝:Club Monaco(子彤)、nila_room(禧玲)

  談到選角,導演馮智恒笑言睇中胡子彤又鈍又有爆發力,「同齡嘅演員好多都好出色,但個個都有種『泡菜』感覺,即係唇紅齒白,姜B(姜濤)咁嘅樣。」語畢子彤打趣道:「嘩你睇住呀!啲『姜糖』即刻轟你呀!」馮導即補飛:「我哋拍時姜B未出道嘛,否則都唔會搵你啦,哈哈!」由於今次角色沉重,全情投入拍攝的子彤也首次出現騷後抑鬱,「成個影視圈都改變緊,我又遇到一個咁嘅機會,做得好唔好唔夠膽講,但相信大家會見到一個唔同嘅我,希望大家嘗試接受唔同嘅演員同片種。」

陶禧玲大讚鄭中基

  2019年底,歐鎧淳傳背子彤偷食女籃球員,恰巧戲中老婆也被橫刀奪愛,問現實中可遇過「帽」事?子彤笑謂:「冇冇冇,我咁有型,傻㗎咩!(遇到會隻眼開隻眼閉?)佢唔識貨啦!我Fit到咁,唔係嘛?講笑啫!佢既然做得呢個選擇就要背負後果。」至於首次試鏡差啲被Foul的陶禧玲,獲馮導一句點醒即演出「慘情遺孤」的神髓,她直言拍攝期間長期處於消沉的氛圍。問與鄭中基對戲可有壓力?禧玲即讚對方親切、冇架子,「佢有同我分享演戲時點投入角色。」

其他文章
hd