首頁 日報娛樂

戶口兩位數 TVB捱足8年 33C趙璧渝 「一脫成名」恨上位

05/06/2021
趙璧渝Osanna
生日:1989年7月4日
三圍:33C-25-35
身高:168cm
體重:52kg
趙璧渝Osanna 生日:1989年7月4日 三圍:33C-25-35 身高:168cm 體重:52kg(1/12)

        擁33C豐滿上圍的趙璧渝(Osanna)入行8年,去年終憑無線劇《法證先鋒IV》一幕天台除剩Bra戲嶄露頭角,更帶挈她Job量大增。回想過去茄喱啡生涯,試過被劇組遺忘、受傷冇人理、遭白眼,「嗰時唔敢同家人講,自己匿喺房喊,最大壓力係冇工開又唔畀得媽咪知,好驚親戚問拍緊咩……」不過如今在《逆天奇案》戲份變多,她認為種種辛酸都是值得的,現時會捉緊機會乜都試,並以楊茜堯(原名楊怡)為目標,由藝訓班逐步爬上視后寶座。

撰文:黎寶倫 攝影:梁志明

化妝、髮型:KoKo Lau

服裝:IG @SHOWROOMby GALA (Kana Boutique HK)

飾物:IG @mymori.co

(Mori Jewellry)

        由第26期藝訓班出身的趙璧渝,雖然至今參演過逾70部劇集,但一直以來都是「茄喱啡」角色,直至於《法證先鋒IV》一脫成名,及後在《逆天奇案》、《白色強人II》等劇集的戲份也愈來愈重,Osanna坦言壓力逐漸增大,但謂:「呢種壓力我想要咗好耐,因為中間有少少停滯,都係演OL、媽媽,角色轉變唔大,發揮亦唔太多,自己就諗會唔會以後都係咁,所以o依家我係Enjoy,會捉緊機會,希望可以上位。」

愧對媽咪

  捱足多年仍藉藉無名,難免會灰心,試過戶口存款不夠100蚊的Osanna,直言冇糧出時曾想過放棄,「經濟係幾大嘅挑戰,因為我畀唔到家用屋企,要慳住食、問人借衫,試過一個月收到幾個炸彈,去埋份糧都嘔凸,我就同人講要做嘢囉。(愧對媽咪?)有,對比家姐賺到錢畀家用,我白食白住係會自卑啲,但媽咪好錫我,好多謝佢畀我咁任性,今次《逆》出街,我未見過佢咁興奮,覺得終於畀人睇到自己個女有作品出街。」

恨獻初吻

  談到《逆》劇中,首次發展感情線的Osanna笑稱,很遺憾與拍檔陳偉洪冇咀戲,問想向誰獻出熒幕初吻?她怕醜笑道:「靚仔得㗎喇,同埋要好戲,我鍾意有才華、魅力,唔一定要外表好靚仔。」不過,Osanna又大讚合拍《白色II》和《陀槍師姐2021》的陳豪,既風趣幽默又細心,是其心目中的Dream man,「有呢個福份同佢拍談情戲梗係好啦!」並謂想挑戰狐狸精、小三等奸角,至於性感底線?她說:「電視尺度唔會太過份,做演員唔好Set太多Limit,合理、健康就OK。」

其他文章
hd