首頁 日報娛樂

工作勁忙歎日菜慰勞自己 Eric Kwok放假湊愛犬買外賣

07/06/2021
■Eric日前湊愛犬出街買外賣。
■Eric日前湊愛犬出街買外賣。 (1/7)

  曾為ViuTV選秀真人騷《全民造星》擔任導師的Eric Kwok(郭偉亮),最近為無線主持音樂節目《勁歌金曲》,又為歌唱比賽《聲夢傳奇》任評判,忙到七彩的他仍不忘陪下「囝囝」,早前《頭條日報》記者撞到佢帶愛犬「金菠蘿」(菠蘿)落大坑,仲買高質日本料理返屋企歎。採訪:張詠森

  最近除了忙於錄影TVB節目,Eric Kwok亦要兼顧YouTube Channel「Round Table Poker」短片拍攝。即使工作排到密麻麻,攰到篤篤吓手機都喺沙發瞓着,但一得閒唔使開工,錫到愛犬「金菠蘿」燶的他,都會同太太葉佩雯一齊拖狗狗出街散步。早前下午2時許,穿紅Tee、戴紅Cap帽,成個「利是封」咁款的Eric,揸住紅色座駕到大坑買外賣,而大腿上仲見到菠蘿;車輛停泊一邊期間,牠更探頭出窗外八卦,企到攰又將下巴托喺窗邊,Cute到暈!

Eric好識食

  終於可以落車唞吓,Eric從車尾廂取出寵物手推車,被爸爸放到手推車上的菠蘿,立刻揈一揈舒展筋骨,有街街去的牠更興奮到狂擺尾巴、吐出舌頭,非常精靈!之後,Eric孭好袋便推住車仔,步行至鮨辰日本料理落Order;該店一個Lunch set平均約二、三百蚊,最出名食Omakase(廚師發辦),睇嚟Eric食個下午茶都好講究。向職員點好餐後,兩父子企喺門外等,最後拎埋嘢食就揸車返歸。

其他文章
hd