首頁 日報娛樂

方力申恨做爸爸 王菀之決定出手自薦做媒人

18/06/2021
■Ivana和小方同3歲小妹妹一齊拍攝,完全冇難度。
■Ivana和小方同3歲小妹妹一齊拍攝,完全冇難度。 (1/6)

  王菀之(Ivana)和方力申(小方)日前擔任星級義工,為「麥當勞叔叔之家慈善基金」在7月1日至8月25日舉辦的慈善獎券義賣活動拍攝宣傳照。當日兩人同3歲小妹妹一齊拍攝,見他們o氹小朋友有一手,菀之笑言自己也是大細路,又自言未確定準備好做媽咪未,而好肯定準備好做爸爸的小方,就未有結婚對象,睇唔過眼的Ivana即場自薦做媒人。

撰文:杜淑霞 攝影:譚壹致

  由於疫情關係拍攝宣傳照沒法在「麥當勞叔叔之家」進行,Ivana和小方未有機會探訪一班病童,不過原來疫情前Ivana已經常去探訪,而且被他們的正能量感染,「你以為佢哋病會好小心,但佢哋其實好活潑,拮晒針應該好痛,佢都照樣跑來跑去,佢哋嗰種活力同埋生命力,反而啲大人入到去好似滿佈塵埃咁樣。」

  見Ivana和小方都好識o氹小朋友,Ivana自言內心都是個小孩,「我自己本身喺屋企都係咁同啲公仔溝通,我只係見到個friend咁啫!唔覺得係一個大人o氹緊個小朋友。」問到是否已準備好做父母?小方坦言一直都ready,「我覺得我係個好好嘅老竇嚟,但係生仔佢死緊,一定會好嚴,但係女仔嘅話我諗會軟好多,可能同個未來太太講『你出去搵錢啦我喺屋企煮飯湊仔』,唔做嘢攬住佢哋算。」Ivana坦言10年前最想做媽咪,「可能同荷爾蒙有關係,好早有諗過,但過咗又冇諗,有時見到啲朋友,就會諗一諗。」

  小方恨做爸爸,可惜仲未有結婚對象,玩交友Apps又未有成績,「我其實都係得個睇字,冇行動,梗係唔敢啦!疫情底下係難啲,同埋我本身係難識朋友嗰啲人。」Ivana睇唔過眼話:「我啲好姐妹有個list嘅,我打畀你啦!(你終於出手啦!)我明佢,有時好似我啲好姐妹朋友,係要人介紹吓可能會好啲㗎!」小方再補充,「好似我細佬做律師,有時做到凌晨,你點識人啫!唔好話藝人唔知點樣識人,佢哋都會唔知點識啲新朋友,所以介紹係需要囉!」叫Ivana快點出手,她即搞笑答:「知道!」

其他文章
hd