首頁 日報娛樂

「金Jer暖男」又出動陪買牀上用品 阿Jer被女友「樹熊式」鉗實行街

16/07/2021
揀牀單
■二人猶如老夫老妻睇牀上用品,Kelly仲睇中迪士尼動畫《小泰山》系列牀單。
揀牀單 ■二人猶如老夫老妻睇牀上用品,Kelly仲睇中迪士尼動畫《小泰山》系列牀單。(1/12)

        「金Jer暖男」柳應廷(Jer)果然係一個「有膊頭嘅男人」!曾揚言為給予拍拖5年的圈外文青女友Kelly安全感,承諾工作以外空檔全部留畀對方,日前被《頭條日報》記者影到跟Kelly甜蜜行街及搭港鐵後。上周日(4日)柳氏情侶又化身「連體嬰」黐實逛又一城。今次Jer就陪女友去家品店買牀上用品,嬌滴滴的Kelly仲情難自禁攬住男友「壯」臂,未知「唔開騷唔會操」的Jer完騷兩個多月是否仍Keep到少少肌肉呢?

柳應廷不單止對女友專一,連買嘢口味都好專情,繼上月底孖Kelly去中環ifc的COS買衫及鞋後,相隔5日,Jer再到又一城分店掃走一袋戰利品。當日下午3時許,一對小情人買完衫就轉戰樓上的Zara Home睇家品,拍拖5年的二人儼如老夫老妻般,黐實一齊揀牀上用品。一向走文青路線的Kelly,似乎對迪士尼動畫《小泰山》(The Jungle Book)系列好有興趣,很快便睇中白色底、印上毛克利(Mowgli)and Friends公仔Pattern的牀單,見細細粒女友唔夠高拎架上的新貨,身高176cm的Jer即出手挖到最深,揀張感覺最「新淨」的牀單畀對方。

無聊遊街唔捨得走

  Jer嫂之後見到啲棉被又多手撳撳,轉身行去睇其他嘢時即順勢繞番實Jer的手臂,再化身「樹熊」嗲爆挨住男友二頭肌,見佢瞇晒眼應該挨得好舒服。最後畀完錢,意猶未盡的兩人仲未捨得走,繼續在商場內漫無目的地遊蕩,可能工作太忙好難得見到面,所以二人Non-stop係咁傾,兩隻手仔亦拖到實。逗留至5時許,Jer就跟女友步行至綠Van站,並雙雙登上開往慈雲山中心的小巴;在等開車時,工作排到密麻麻的Jer一坐底,又開始拎手機覆Message,「背後的女人」Kelly應該習慣晒。

採訪:譚壹致

其他文章
hd