首頁 日報娛樂

曾收8毫子糧單珍惜機會 關嘉敏唔拍拖要做全能演員

17/07/2021
■26歲嘅關嘉敏試過捱窮,入咗TVB會把握機會,面對網民負評只會化為動力。
■26歲嘅關嘉敏試過捱窮,入咗TVB會把握機會,面對網民負評只會化為動力。 (1/7)

  女子組合Bingo隊長,26歲嘅關嘉敏(Carman)被TVB羅致成為旗下藝人,之前Carman為咗爭取做女拳王一啲都唔錫身,喺《明星運動會前哨戰:Fight盡》練習時食李君妍重拳,頭暈倒地爆喊。最近她再下一城挑戰TVB舞蹈比賽真人騷《盛・舞者》,期望能跳出個未來!採訪:方騫平

攝影:譚壹致 髮型:Don 場地:Teddy Boy Cafe友情歲月古惑仔漫畫主題冰室

  關嘉敏初出道時曾經捱過窮,收過8毫子糧單,因為咁學會把握每個機會,由於《Fight盡》跟《盛·舞者》同時舉行,成個6月都非常忙碌,朝早練拳,夜晚排舞:「有時排到凌晨4點真係好攰,我喺的士度望出去反問自己『點解要俾人打?』眼淚就好自然咁流落嚟,尤其練習時中咗李君妍重拳暈倒,師傅仲嚇我話『係咪打甩咗棚牙?』當時真係驚到忍唔住淚崩,好靠意志力先頂得住,不過成為女拳王後又覺得辛苦係值得,我未試過上擂台,其實都Enjoy嘅。」

同CY只係朋友

  雖然自細學中國舞,但Carman參加《盛·舞者》都覺得有難度,因為出道後先開始接觸街舞:「靠不停咁自我鼓勵,都捱到進入最後一round對決,真係好感動,原來關嘉敏意志幾強,我對自己有啲驚喜,原來我好捱得㗎!」未來她最想挑戰全能演員,最好似楊紫瓊咁做打女!問到緋聞男友CY(陳澤言)可有鼓勵她?Carman坦言o依家太忙了,稍後又拍劇,感情事唔諗住!總之盡她能力做得幾多得幾多,o依家大家係朋友。

其他文章
hd