首頁 日報娛樂

《美少女》主持最想同阿Dee做熒幕情侶 32C羅堃尉靠自己 拒賺7位數快錢

17/07/2021
自細恨嫁
■Karen自幼已恨組織一個圓滿家庭,同時也希望做一個在職人妻。
自細恨嫁 ■Karen自幼已恨組織一個圓滿家庭,同時也希望做一個在職人妻。 (1/9)

        

擁32C豐滿上圍的羅堃尉(Karen)近年由模界踩入電視圈,拍過TVB節目《美女廚房》及香港開電視的《美少女日本民宿》等,入行約8年的她直言恨於戲劇方面發展,「一路都想試吓演戲,好多人覺得做Model係一個花瓶,工作好簡單、笑吓就OK,其實做Model都唔容易,我都想突破自己,試多啲未試過嘅嘢。」自知不足的Karen稍後會報讀戲劇班進修演技,希望將來能跟ERROR成員阿Dee(何啟華)做熒幕情侶,就算犧牲色相扮醜也不介意。

撰文:黎寶倫 攝影:張詠森

服裝:@instanamigirl

        即將29+1,羅堃尉目標向演員路進發,問可會性感一搏?她認為具備實力及內涵才行得長遠,「可能第一刻Draw到人哋Attention,但如果停喺嗰個位冇進修,好易就有其他新女仔蓋過你。我覺得健康性感OK,但內在有實質嘅嘢先更吸引到人留意。(抗拒拍牀戲?)要睇吓劇本同角色發揮。」曾演出電影《賭城風雲III》和《寒戰2》的Karen自問經驗不多,但勝在感情豐富,仲好易喊得出,並最想拍愛情片,心願係跟ERROR成員阿Dee和193(郭嘉駿)合作,亦非常樂意將熒幕初吻獻畀佢哋。Karen笑言二選一就揀阿Dee,「因為佢暫時冇幕前Couple。」但問到對方是否她杯茶,Karen即笑說鍾意高嘅男仔。

投資六位數賣彩鑽

  提到早前於《美少女日本民宿》中,喊住講在港置業好困難,Karen坦言,「之前有睇吓樓,但發覺都唔容易,新樓都比較貴、呎數又細,所以擱置咗,因為自己都未儲夠錢入場。」以一房或兩房單位為目標的她,表示會再努力工作賺錢,近日又投資6位數,跟友人合資在網上賣彩鑽。不時於社交網Inbox被「問價」的Karen,又強調絕不考慮搵「快錢」助上車,「開過6位數又有,近7位數都有,但我冇動搖過。(寧嫁有錢人?)都冇諗住一定要嫁有錢人,但我會想搵到一個自己鍾意、夾得嚟又錫我嘅人,目前仲尋覓緊。」

其他文章
hd