首頁 日報娛樂

花三年自資六位數出歌 林德信搵林子祥拍MV有畀利是

20/07/2021
■林德信做咗獨立歌手後已出咗8首歌。
■林德信做咗獨立歌手後已出咗8首歌。 (1/7)

  36歲嘅林德信(Alex) 自資6位數以獨立歌手身份,推出國語新歌《愛沒有理由》,Alex坦言今次投資很大,大到可以用呢筆錢買可升值嘅名錶,但他無悔,除咗因為太鍾意呢首歌,更希望藉住新歌,能永遠代表到他是獨立音樂人的身份,會更加難得。採訪:方騫平 攝影:譚壹致

化妝:Jess Yung 髮型:Negan Leung @ haircorner

服裝:Loro piana,Washi jeans,Soft Serve and Sake 場地:Cubus 28 x月下酌

  林德信的《愛沒有理由》為求做到完美,足足花咗3年時間製作,除咗要夾音樂大忙人恭碩良時間外,其後又改咗少少唱法,後段要他唱得好爆及好高音,用以代表他對件事的堅持,Alex再花時間去練,單係錄音都搞咗一年,跟住MV籌備咗半年,同埋要做後期電腦特技。

阿爸冇資助

  Alex以往拍MV只會隨意用手機拍攝,同今次咁大陣仗相差好遠:「新歌好有故事性,要有多啲電影感,計計埋埋花費6位數字,足夠用嚟買隻名錶!o依家真係明白晒做音樂原來係有幾難,所以我唔會首首歌都咁做。」當問到係咪有信心投資喺自己嘅音樂上,升值潛力更勝名錶?他大笑說:「唔敢咁講!投資喺自己作品度係開心嘅,尤其每次有作品出嚟,大家會睇到唔同嘅我。」他聲稱daddy林子祥冇開聲喺金錢上作支援:「我又冇問佢,佢相信我喺能力範圍應付得到。今次我邀請佢拍MV都有封返利是畀佢㗎,雖然唔係大封,但佢都開心嘅!」

其他文章
hd