首頁 日報娛樂

人生目標做動作片男一 容天佑靠《Fight盡》撻返副偈

22/07/2021
■天佑不介意被嘲「功夫奀星」,做好自己便足夠。
■天佑不介意被嘲「功夫奀星」,做好自己便足夠。 (1/7)

  2011年,從TVB節目《功夫新星》出身的容天佑,近日於J2節目《明星運動會前哨戰:Fight盡》打低吳業坤,贏得中量級拳擊賽冠軍。十年過去,演員路上未有太大起色,經歷過低谷迷惘期,幸古天樂一句:「加油啦,唔好放棄。」令天佑咬緊牙關捱過去,拍畢《Fight 盡》後,他希望演藝事業更上一層樓,將來能夠做動作片男一!撰文:黎寶倫 攝影:譚壹致 場地:Boundless Fitness

  精通跆拳道、截拳道又學過泰拳的容天佑,雖然未如其他參賽者般受傷,但要3星期內進行特訓再上擂台,同時宣傳《逆天奇案》兼趕拍新劇《雙生陌生人》,久未練功的他都覺得好辛苦,起初仲練到嘔,「日夜顛倒令身體差好多,但最辛苦係精神上嘅折磨,嗰陣好多晚都瞓唔着。」除了擔心受傷、體力不足,身為李小龍截拳道第五代傳人、拳擊與泰拳分別師承陳惠敏和徐家傑,天佑直言:「話晒係《功夫新星》,輸咗點算呢?愈大愈輸唔起,好大壓力。」但經歷這場比賽後,亦令他重拾「打仔夢」那團火!

視錢嘉樂為偶像

  回顧入行十年甚少拍打戲,26歲的天佑坦言:「唯一動作都係《迷網》跳海,拳來腳往真係好少。(冇乜發揮?)係少嘅,但可能公司覺得我文戲吸引啲先畀我拍多啲呢?」樂天的他雖說知足常樂,覺得現狀也不算太差,但問到可恨做打星?他毫不猶豫地說:「想,始終自己係功夫底,做戲未必比人叻,但動作會好人啲啲,如果向打發展會舒服啲。(目標?)希望人哋知我識打,做好啲戲令人記得我,錢嘉樂係一個幾好嘅偶像,佢為藝術付出咗好多。」並謂恨當男一,「搵一次畀我大打一場就開心嘞。」

其他文章
hd