首頁 日報娛樂

唔再嬲前度出軌送祝福 賴嘉賢撐保錡唔似八両金

24/07/2021
■賴嘉賢見過鬼怕黑,下個擇偶條件要孝順及唔好花心。
■賴嘉賢見過鬼怕黑,下個擇偶條件要孝順及唔好花心。 (1/7)

  今年初ERROR成員吳保錡被爆背住模特兒「正印」賴嘉賢(Carrie)偷食張沛樂(沙律),Carrie嬲爆喺社交網發文連環追擊,最後保錡要停工過冷河。事隔半年一切回復正軌,Carrie冇再嬲,仲祝福及鼓勵前度要繼續努力。

採訪:方騫平 攝影:梁志明 場地:丸十手和壽司

  重提舊愛,Carrie承認當日真心嬲同埋傷心,所以表達得好激動!不過而家已經冇放喺心,問到係咪真心原諒咗對方?她說:「咁都相愛過,做人唔好回望,要有新生活及工作,我都想前進!我都有睇《ERROR自肥企画》短片,阿Dee嘅『鳳凰不死鳥』好好笑。」

覺得保錡似汪東城

  對於保錡同沙津經常放閃,Carrie大方說:「佢哋OK咪OK囉!我戥佢哋開心,亦期待下個等緊我嘅人,唔介意將來合作演出。」不過,Carrie表明唔會鍾意花心男,但作為超級外貌協會,會鍾意返靚仔。對於保錡曾不忿被指似八両金開IG直播爆粗鬧網民!對此,Carrie為前度護航:「我唔覺得佢似八両金,講真我曾讚過佢似《飛輪海》成員汪東城,其實唔好似人,有自己風格最好,喺拍拖期間我畀咗唔少信心佢。」

其他文章
hd