首頁 日報娛樂

楊受成封周家怡做英皇一姐 鄭伊健「萬歲」珍珠奶茶打破代溝

29/07/2021
■左起:李靖筠、錢嘉樂、鄭伊健、楊受成及周家怡出席《深宵閃避球》開鏡儀式。
■左起:李靖筠、錢嘉樂、鄭伊健、楊受成及周家怡出席《深宵閃避球》開鏡儀式。 (1/6)

  鄭伊健、周家怡、錢嘉樂、鍾雪瑩及李靖筠等,昨日出席英皇電影《深宵閃避球》開鏡儀式,英皇集團主席楊受成博士亦現身支持。上周五(23日)是周家怡的42歲生日,一眾演員送上蛋糕為家怡補祝生日,最搞笑當要求家怡拍照時,楊受成笑謂:「係啦!佢係一姐好耐啦!」

  鄭伊健和錢嘉樂自從電影《黃金兄弟》後,今次再度合作,兩人在戲中扮演閃避球教練。鄭伊健笑言對閃避球在遊戲機上認識,不過拍攝前跟錢嘉樂跟教練學習閃避球,他說:「其實電影講人生遇到事情,係咪要選擇閃避?但真諦就係唔應該閃避!呢部戲幾得意,講上一代跟下一代溝通唔到,我覺得暫時跟一班年輕演員能夠溝通,但以往『萬歲』叫蛋撻、凍檸茶,o依家係要叫蜜糖、芝士蛋糕、雞翼同珍珠奶茶畀佢哋。」

  錢嘉樂則謂跟年輕人有代溝並非死症,以前他們都會笑上一代,一班年輕演員初時會當他們是前輩覺得驚,當熟絡後會打他肚腩。

  周家怡被問到生日願望,她笑言要吸收多點青春;至於可有想過人生大事,她笑說:「殮葬呀?(有冇人追?)話冇人追好似好削,不過暫時無拍拖,到o依家年紀有冇都無所謂。」對於被老闆楊受成指她為英皇一姐,她笑言會嚇親人,但老闆很好又玩得,亦不會給予壓力。談到伊健和錢嘉樂自爆跟一班年青演員有代溝,家怡笑自己沒有代溝,反而跟一班年輕女演員有偈傾,更爆她們會唱伊健的歌,搞到伊健好尷尬。

  李靖筠就爆周家怡在化妝間會播MIRROR的歌,周家怡笑謂好開心香港有這個氣氛,又認為現在年輕人幾勁。問到跟伊健合作可會緊張?李靖筠說:「唔驚!好開心,望佢一望都覺得賺。」

其他文章
hd