首頁 日報娛樂

紅館騷延期換埋主題 方皓玟讚囝囝生性唔阻做準備

30/07/2021
■小明希望去支持個唱的樂迷,放低平常一切,好好享受個騷。
■小明希望去支持個唱的樂迷,放低平常一切,好好享受個騷。 (1/6)

  方皓玟(小明)將於8月26至29日舉行一連4場《LOST n FOUND演唱會》,首個紅館騷因疫情由去年4月延至現在,就連主題「Spring of Hope」也改為「LOST n FOUND」,小明坦言因這兩年香港氣氛環境變化太大,身為3歲囝囝安田龍加媽咪的她感受特別深,她笑言近日忙搞騷但囝囝好生性冇投訴,仲主動轉房瞓唔阻媽咪休息。 撰文:杜淑霞

攝影:譚壹致 髮型:Jimmy White@INGULGENCE 化妝:CircleCheung@ndnco.

  小明指演唱會改期後,整個演唱會由主題到內容都有改變,「一改期你feel到社會氣氛同埋大環境,大家嘅心態係有改變,我覺得唔可以再用番2020年4月個期嘅『Spring of Hope』去擺喺o依家,o依家大家心態再踏實咗,嗰時我哋覺得香港人需要希望嘅出口,就用咗狄更斯《雙城記》入面『Spring of Hope』,o依家用『LOST n FOUND』有近似鼓勵,『LOST n FOUND』係比喻香港人呢兩年失去到變到人性昇華,樣嘢係好靚。」

  小明17年跟前男子團體R-ICE日本成員安田慎吾結婚,翌年誕下兒子,在疫情下她「LOST」也不少,作為媽媽感覺更強烈,「淨係個BB要教佢戴口罩,佢未肯戴口罩我唔敢帶佢出街,疫情賦予我哋好多生活上限制,不過好似我poster(演唱會)都有句講,面對失敗同挫折個失去,其實要擁抱,人唔經過一啲挫折失敗,永遠唔知道弱項同極限喺邊,所以你要去感受LOST,然後搵到自己出口昇華成更強大嘅人。(最想「FOUND」?)我希望有更大智慧去面對生活上嘅事,o依家做媽媽唔容易,做香港人都唔容易,每日好多東西需要消化,好需要生活智慧,你唔識得自己撫平傷口,啲瘡疤會好多。」

  近期小明除籌備演唱會,又剛推出新歌《你好嗎》,還即將推出專輯,但老公身在日本工作,獨力照顧囝囝的她幸好未收到投訴,「佢好生性,直情生性到唔知係咪知道我有嘢做,本嚟佢同我瞓,佢走咗過去隔離房同我媽媽瞓,我每日做嘢又唔騷擾我,我阿媽話你生個仔好生性喎!識得就住你個schedule,我收得夜返去,攬吓佢同佢傾吓偈睇吓書,咁佢又好滿足啦!」

其他文章
hd