首頁 日報娛樂

《怒火》設計高難動作戲 甄子丹當霆鋒係吳京

03/08/2021
■子丹在《怒火》擔任動作導演,設計不少高難度動作戲。
■子丹在《怒火》擔任動作導演,設計不少高難度動作戲。 (1/4)

  甄子丹在亞視時期曾與陳木勝合作,早前在英皇電影《怒火》再結片緣,陳木勝去年因鼻咽癌病逝,子丹頓感是電影界重大損失!而子丹兼任《怒火》動作導演,把霆鋒當作是吳京,設計高難動作戲,霆鋒亦不負所望,精益求精「畢業」!

  在英皇電影《怒火》中身兼監製、動作導演及演的甄子丹日前為電影宣傳,甄子丹表示曾於在電視劇《洪熙官》及《精武門》跟陳木勝合作後,廿幾年來一直未有機會,本來兩人再次合作到墨西哥拍一部講述警察大破毒梟故事,但製作費太龐大而擱置,子丹說:「嗰陣佢都有啲唔開心,我同佢講其實可以喺香港拍,只要將精力同創作思維擺番喺香港發生嘅故事,之後就度咗《怒火》呢個故事。」

  擔任動作導演的甄子丹,在戲中設計不少高難度的動作戲,整部戲的風格就是《怒火街頭》加《殺破狼》,他說:「我諗到就當霆鋒係吳京,同樣設計《殺破狼》一場戲以短棍對短刀,霆鋒都有自己意見,話不如玩兩把刀,結果佢絕對符合到,我都同霆鋒講:『你畢業啦!』」

  甄子丹表示由開始構思及執行,或在拍攝現場,他都會跟陳木勝表達自己的意見,一直來來回回地交流,直至有一日他打電話給我說:「我瀨嘢!」後,子丹坦言有點突然和驚訝:「拍ending時佢都不知道,拍完之後同我講只係覺得好攰,冇時間檢查身體,到出事時已經擴散,但係佢抗病嘅態度好積極,最尾嗰段路,相信我哋全行都鼓勵緊佢,我亦介紹一啲認識嘅醫療師,最後我接到電話話導演唔多得,我都未嚟得切打畀佢,睇報紙先知佢走咗。」

其他文章
hd