首頁 日報娛樂

覺得陳瀅似男人大家好兄弟 張子丰被插死獲讚死得逼真

10/09/2021
■連續播兩劇張子丰都係演奸人,子丰話自己咁純唔怕被定型。
■連續播兩劇張子丰都係演奸人,子丰話自己咁純唔怕被定型。 (1/7)

  TVB劇《智能愛人》去到結局篇,由張子丰飾演嘅第5個新型AI亦隨即登場。雖然子丰佔戲唔多,但勝在夠搶戲,甫出場晒肌配合做救生員,然後喺八號風球下落水救人,最後中咗病毒變壞咗死得好慘。平日斯斯文文嘅子丰變身奸人表示好玩:「武指讚我畀鐵通插嘅反應好到位,死得逼真!」

        處男奸角令張子丰相當難忘:「由於出場時要赤祼上身落水救人,為咗出場型啲,用咗兩個月時間操肌、曬燈同埋控制飲食,拍前仲爭取時間做gym及掌上壓谷到盡,都及時操到6塊腹肌㗎!最難忘當時喺垃圾灘取景,我唔小心飲咗兩啖海水,見到周圍滿佈飯盒同垃圾,諗返起都想嘔。」

首演奸角好過癮

  對於首做奸人,子丰覺得好有驚喜:「以往做啲斯文正直角色太似做自己,演奸角有更多創作空間,會醒神同好玩啲,死得又轟烈,連武指都讚我反應好逼真,因為今次造型要剷青,《把關者門》監製就搵我做埋黑社會,不過最後都係被亂槍掃死。」另外,談到跟陳瀅緋聞,他強調大家係識咗好耐嘅好兄弟:「佢成個男人咁,可能佢當我係女人似姊妹啩!」兩人都長住過溫哥華所以好投契:「佢咁靚梗係多人追啦!不過我冇同佢傾到感情事。」

採訪:方騫平 攝影:葉君海

髮型:Alva Lam @HAiR 化妝:Sirming WU @非常作

其他文章
hd