首頁 日報娛樂

Anson想為偶像做「黎明熱狗」 大廚Ricky輕鬆出戰唔怕輸

10/09/2021
■(左起)Ken、Ricky、詠儀、Anson相處得好融洽。
■(左起)Ken、Ricky、詠儀、Anson相處得好融洽。 (1/7)

  由兩位大廚張錦祥(Ricky)及黃亞保領軍嘅真人騷《煮戰》愈嚟愈緊湊,連埋周一晚最後出線嘅Ken,出戰Round 2嘅仲有Ka Sing、菲菲、Alan、Anson、詠儀,6強即時向保哥及Ricky挑機,當中包括Ricky對菲菲;保哥及好勝詠儀嘅師徒大戰,Ricky輕鬆講明唔怕輸,因為佢係獨孤求敗!採訪:方騫平 攝影:沈健程



  由張志明監製嘅《煮戰》贏得收視同口碑,「限廚令」後頭炮係威係勢。周二晚Ricky同菲菲以「香港情懷餐」率先進行晉級賽,縱使菲菲最後出動埋老公幫手都不敵師傅,輸得心服口服!反觀Ricky就輕鬆自在應戰,他笑說:「我有不死身唔怕輸,夠膽就過嚟,都係同佢哋交流吓啫!」

  Ricky幾欣賞Anson喺第1 Round賽事中做嘅「一雞三味」,可以用盡雞嘅每一部份做食材,一啲都唔浪費,Anson被讚好開心,如果要設計一道創意菜送畀人,他好想試吓做「黎明熱狗」:「黎明係我偶像,我留意到佢好鍾意食熱狗,我會用煙肉包住兩條腸再加入特別醬汁。」至於詠儀做學生餐盒對決保哥,她帶笑投訴保哥:「我睇《煮場爭霸》見保哥爭一分輸咗畀Ricky,所以今次我參加《煮戰》係想同保哥爭返一口氣,點知佢唔珍惜我,唔揀我入佢嗰隊,不過最後同佢對決都好有火花。」另外Ken唔敢好似強哥咁窒主持人江美儀:「我哋冇乜時間理主持人問題,總之答到就答,其實佢好幫我哋。」

其他文章
hd