首頁 日報娛樂

《聖慾》睇到面紅修女She She情

11/09/2021
眼界大開
Benedetta(右)同野性修女Bartolomea(Daphné Patakia飾),留意前者拎住個聖母像,用途好廣泛。
眼界大開 Benedetta(右)同野性修女Bartolomea(Daphné Patakia飾),留意前者拎住個聖母像,用途好廣泛。(1/7)

  首先要讚吓香港譯名,一睇就知套戲講乜然後好想入場,成功吖。電影講述17世紀意大利文藝復興時期一間修道院內兩位女同志的情慾故事,冇錯,即係修女「she she情」,請嚟Virginie Efira及「英國資深影后」Charlotte Rampling主演,留意返,電影根據17世紀的真實歷史紀錄改編,即係件事真係發生過。電影於康城影展首映,並參與金棕櫚獎的角逐,散場獲得全場觀眾起立鼓掌五分鐘,爛番茄新鮮度有85%。親身觀影感覺,真係好「甜」,睇到面紅。(已上映) 撰文︰廖思慧

  荷蘭名導Paul Verhoeven係90年代當時得令的導演,拍過《本能》、《鐵甲威龍》同《宇宙威龍》等,近年就有《烈女本色》。戲中女角Benedetta(Virginie Efira飾)成長於修道院,在神的聖寵下,佢不但能見到神聖異象,身上更出現聖痕。有一日,佢被年輕又野性的見習修女挑逗,內心瞓咗好耐嘅毒蛇被整醒,初試肉體歡愉一發不可收拾。

127分鐘話咁快就過

  當然好多人以為自己做過嘅嘢冇人知,其實天知地知你知我知,因為聖痕而升上神枱的Benedetta被有心人監視,演變成權力鬥爭。電影精采在於導演野心超大,戲中有大量對宗教嘅嘲諷,好寸又好好笑,一路睇一路擔心導演。故事好有驚喜,片長127分鐘完全唔覺,咪以為難得修女「She She戀」會好可歌可泣,唔係囉。點解導演會拍套咁踩界嘅電影?佢就咁講︰「17世紀時嘅社會由男性主導,女性除咗滿足男性嘅性慾及生殖需求外一文不值,亦冇任何權力;但Benedetta運用自己的才能、遠見、手段、謊言及創造力,成功登上權位,不但被視作聖人,也出任修道院嘅院長,聲名遠播。」簡單嚟講,因為聰明而引起導演的興趣。

其他文章
hd