首頁 日報娛樂

合唱《心獸(怪物Version)》再演音樂劇 MischaManson變熟絡想再合作

13/09/2021
■Mischa笑指近期見Manson多過見男友,也擔心對方會呷醋。
■Mischa笑指近期見Manson多過見男友,也擔心對方會呷醋。 (1/5)

  即將於9月18日舉行入行9年來首個音樂會《葉巧琳 Mischa Ip 2021 音樂會》的Mischa(葉巧琳),繼早前搵來《全民造星III》隊友Manson(張進翹)客串演出《怪物(心獸Verion)》MV後,最近再邀對方合唱《心獸(怪物Version)》,他們坦承兩次合作是早有安排,而經歷過合演音樂劇《攣攣成人禮》變得更熟絡,希望下次再有機會合作。 撰文:杜杜 攝影:沈健程 形象:Alan Ng(Mischa)、Jo Meh Ah

髮型:Milk han@Xenter(Mischa)、Jay Yeung@The EDGE Salon&Academy 化妝:Cyrus Lee(Mischa)、Deep Choi 服裝:Goenjoffical from farfetch(Mischa)、 SANDRO及ONITSUKA TIGER

  Mischa(暱稱Mi)寫《怪物》時,已想好有兩個版本,更請來波多野裕介一次過將歌曲兩個版本編寫得充滿電影感,但覺得《心獸(怪物Version)》要多把人聲,於是就想到搵Manson合作,「我覺得佢好適合,佢把聲音好多變化,佢係演開戲,我想要嗰種電影感效果,佢係絕對會能夠駕馭到。」兩人雖然在《造星III》都是A組,但未試過小組合作,原來並不熟絡,Mischa說:「除咗畢業禮個演出,真係傾偈都冇,只係食飯飄過,但係今次出到嚟效果都幾好呀!」Manson形容獲Mischa時是𦧲飯應應承,「我聽完demo覺得好好聽,好有電影感,真係世界觀嘅一首歌,好想參與,跟住先至有MV呢件事發生。」

  Mischa和Manson坦言直到錄音都依然生疏,開始熟絡是拍MV時連踩20多個鐘對足一日才稍為熟識,要真正了解要到合作《攣攣成人禮》,Manson說:「我哋由學歌到排戲,好似經歷好多小關卡,我同Mi都係第一次做舞台劇,過程裏面我有啲嘢好轉牛角尖,Mi就好似一個幫我抒解諗唔通嘅姐姐咁,係咪嬲咗!哈哈!(Mi:係㗎!我同佢講,如果聽你唱live好似播碟咁,而唔係睇個感情,樣樣嘢都係咁完美時,你係咪一個人呢?!我會咁樣拉番佢出嚟。)」兩人不排除再有其他合作機會。

  講到跟「媽媽」梁祖堯合作,兩人坦言繼續有得着,Mi說:「仍然喺佢身上學好多嘢,我諗佢(Manson)喺身上學更多,因為佢掙扎過,佢角色揣摩比較難。」 Manson說:「我喺揣摩角色時有好多掙扎,好似收得好埋嘅心獸同埋怪物咁,令到戲劇上太過乖,變相個角色唔有趣,『媽媽』同我傾偈畀咗好多方法我去嘗試,令我明白用方法做就得。」

其他文章
hd