首頁 日報娛樂

Part 2嘉賓有《聲夢》亦有《造星》人 伍仲衡曾經寫歌畀EO2硬撼F4

15/09/2021
■EO2去到伍仲衡母校操場教他跳舞,笑他手腳唔協調,都係彈琴算啦。
■EO2去到伍仲衡母校操場教他跳舞,笑他手腳唔協調,都係彈琴算啦。 (1/7)

  音樂人伍仲衡今年3月舉行嘅《搞乜花臣音樂會》門票在24小時內售罄成為疫市奇葩,因而於下月16日至17日在九展Star Hall「添食」兩場,現已變身中佬男子組合嘅EO2更為他合體演出,4人笑言唔理o依家大家眼中係咪只得MIRROR,唔知仲有冇人記得佢哋,但求自己Enjoy就夠。採訪:方騫平

攝影:沈健程 髮型:Casei @ Beijing Hair Culture CWB(伍仲衡)

形象:BIRD TSE(伍仲衡)場地:聖芳濟書院



  人緣好好嘅音樂大師伍仲衡(Harry)有好多作品,音樂會就邀得泳兒、鄭融、強尼、吳業坤、雷深如(J.Arie)、阮兆祥、布志綸、JUDAS LAW、陳澤言(CY)及聲夢學員鍾柔美(Yumi)、冼靖峰(Archie)等出任嘉賓。EO2更為Harry合體唱經典歌《守護星》、F4的《流星雨》,還大展舞藝唱跳90年代郭富城經典歌,讓觀眾重拾集體回憶。

最緊要自娛

  原來《守護星》對Harry及EO2嚟講有特別故事,Harry解說:「當時佢哋啱啱出道,正值係台灣F4《流星雨》時期,我諗住寫首《守護星》嚟隊冧F4!」Eric笑說:「點知變咗A4!」Otto補充話:「即係A貨!因為我哋得粒《守護星》,佢哋嘅《流星雨》嚟彈走我哋」提到現時MIRROR及ERROR當紅,EO2會否擔心冇人記得佢哋?Otto話最緊要自娛:「我哋3年冇聚埋,上次喺天堂鳥演唱會度做嘉賓熱身,我哋好似遊歷返以前最開心時期,感覺到自己開心又感染到人哋開心就夠。」

其他文章
hd