首頁 日報娛樂

開處女賣飛個唱好多Idea 陳凱詠搣走壞習慣踢走負能量

20/09/2021
■陳凱詠話既然公司同事對佢咁有信心,佢會更加努力做好本份。
■陳凱詠話既然公司同事對佢咁有信心,佢會更加努力做好本份。 (1/7)

  環球唱片新貴陳凱詠(Jace)唱片大賣,並於上月底在九展Music Zone開只能換飛的免費《PROCESSED音樂會》,為12月11及12日假Star Hall舉行的首個售票演唱會進行熱身。被指接李幸倪 (Gin Lee)棒成為「環球一姐」,Jace坦言好感動:「呢3年公司上下見證住我成長,對我好有信心,係好神奇嘅事。」

採訪:方騫平 攝影:葉君海



  陳凱詠成績突出,喺疫市下推出嘅首張大碟《Processing》獲白金數字(兩萬張)銷量 ,上月開嘅《PROCESSED音樂會》又叫好叫座,因此12月再下一城移師九展較大場地演出,兩場夾埋容納3000觀眾。目前Jace先專心宣傳新歌《沒有無緣無故的恨》,提到處女賣飛Show,佢有好多諗法,例如想唱啲大家未聽過嘅歌,或者舞蹈再豐富啲。

緋聞男友在心中

  可以舉行賣飛Show,Jace既興奮又緊張:「對我嚟講係快咗啲,幸福嘅事好突然,我未試過連續兩晚開演唱會,心諗『死啦唔知點算好!』最有趣公司同身邊人個個都對我有信心,所以我要搣走壞習慣,唔可以再嘥時間嚟否定自己。」除父母、fans成為她推動力外,一啲唔常見,但好有心嘅前輩嚟捧場會令她好安心:「雖然我畀李健宏(KB)玩爆咗個腎,但佢真係好有心,主動提出會買我演唱會飛,叫我留定靚位畀佢!(咁三角戀緋聞男友顧定軒及導演陳健朗呢?)在心中,上次我喺台上見到佢哋好投入咁大叫,都OK嘅。」

其他文章
hd