首頁 日報娛樂

貼相被指同連詩雅放閃 陳家樂強調為紀錄操肌成果

08/10/2021
■下周12日便35歲的家樂,想改變身形搣甩O靚仔感覺。
■下周12日便35歲的家樂,想改變身形搣甩O靚仔感覺。 (1/6)

  陳家樂經常提到恨拍劇兼做紀律部隊,最近終在TVB劇《把關者們》達成心願,更開心跟袁偉豪等對手合作愉快。講到他早前跟女友連詩雅分別晒出海相被指放閃,他強調貼相只為紀錄努力操肌成果,望外界將焦點放在工作上。至於19年以5000萬買入何文田傲玟單位早前已取消交易,他有意轉到新界區置業。 撰文:杜杜 攝影:沈健程

髮型:KenrickSiu 化妝:khaki yan

  陳家樂在《把關者們》演退役劍擊運動員、再投考海關的「陳家興」,性格高傲自負兼唔合群,第3次拍TVB劇的他,同好多拍檔都不認識,他自爆竟被袁偉豪(Ben)誤會同角色一樣好鬼寸,「Ben成日都話『第一日見到寸到個樣』,我唔係寸,只係我見到啲未見過嘅人會私私縮縮,同埋近視又唔戴眼鏡,人哋同我點頭我又飄過咗嗰啲衰嘢,哈哈!佢話開頭以為大鑊合作幾個月,但大家玩落好開心。」訪問時Ben剛巧路過,見兩人相處就知已變老友。

  講到家樂跟連詩雅一直低調拍拖,早前卻分別貼同景出海相放閃,他就解釋大家誤會了他,「點解我會出呢張相,想講番我身形變化,由上年拍劇前9月度開始練,中間增磅肥咗,拍廣告又cut番,個過程好長,到咗9月夠一年,搵個機會紀錄低件事,焦點係身形嘅轉變。」問到他對戀情一直低調,他就解釋想等事業穩定再講私人事,「好怕啲人見到我只係記得我私人嘢,而唔記得我嘅工作,坦白講,我花喺健身嘅時間真係好多,係唔容易,都想觀眾留意呢啲努力上面,多過我私生活,所以唔講太多。」

  提到19年以5000萬購入何文田傲玟單位,因工程問題而導致延期收樓,家樂跟家人商量後選擇終止交易,並會考慮再置業,「我始終大個仔,冇理由同屋企人住,不過上次揀嗰度就係屋企人覺得方便將來小朋友讀書,佢哋諗到咁遠,如果我自己揀會揀住佢哋隔籬,住番新界區,但未有時間去睇樓住。」

其他文章
hd