?>
首頁 日報娛樂

孖粉絲到K場唱歌勾起回憶  許靖韻勁歌熱舞自high兩粒鐘

18/10/2021
■許靖韻好有心為fans簽名。
■許靖韻好有心為fans簽名。

  剛推出新歌《I'm Sorry》的許靖韻日前到K場同fans唱新歌,雖然歌曲推出不久,但fans們都啷啷上口,她更大讚其中一位男fans唱得勁:「佢啱啱啲和音係啱晒㗎,好勁。」

  活動結束後,許靖韻表示勾起她不少唱K的回憶,原來許靖韻讀書時期試過為了唱K而欺騙媽媽,「嗰陣係瘋狂到lunch hour都會去唱K,因為lunch K係可以連埋食嘢,我哋學生就會覺得好抵。」而唱通宵K更加是家常便飯,她又透露會經常一個人唱K:「錄音之前唔知去邊,於是去咗唱K,自己唱咗兩個鐘當開聲。自己一個人有好多歌想唱,通常都係快歌,會跳埋舞自high,都冇人睇到,冇閉路電視㗎嘛,仲爽喎!」

其他文章
hd