首頁 日報娛樂

七師傅亂噏緋聞 被伍仲衡鬧「九唔搭八」

19/10/2021
■伍仲衡請來七師傅及娟姐上台放笑彈。
■伍仲衡請來七師傅及娟姐上台放笑彈。

  一連兩場《伍仲衡再搞花臣音樂會》前晚完結,嘉賓七仙羽和練美娟在尾段上台對談,七師傅批評伍仲衡性格間接,今次找她出席,全因想以她作「餌」引娟姐現身。伍仲衡不斷否認與娟姐緋聞,但七師傅意猶未盡繼續講,最後要請人拉七師傅下台才停口。完騷後,七師傅與伍仲衡在後台合巹交杯搞氣氛,七師傅在眾人起哄下嘟嘴獻吻,嚇得伍仲衡即閃避。事後伍仲衡指師傅雖「九唔搭八」亦成為高潮位。

  日前39歲生日的泳兒擔任嘉賓,她透露與髮型師男友Ziv簡單食飯再切蛋糕度過,兩人拍拖近10年,但仍未有結婚計劃,大家已有共識暫時不談婚事及生B。

其他文章
hd