首頁 日報娛樂

Stephy齊撐「試當真」九展騷 古仔嚟見工 嗌游學修做修哥

28/10/2021
老闆見工
■老闆古仔話嚟見工,仲稱呼游學修做修哥,呢個世界真係無事不可能!
老闆見工 ■老闆古仔話嚟見工,仲稱呼游學修做修哥,呢個世界真係無事不可能!(1/5)

        游學修、許賢和蘇致豪創立的網上短片頻道「試當真」團隊,前日在九展舉行現場版慶祝成立一周年,獲古天樂及Stephy(鄧麗欣)擔任嘉賓力撐,古仔更扮見工接受「修哥」面試!

        網上短片頻道「試當真」團隊游學修、許賢、蘇致豪、吳家忻、岑珈其、陳苡臻、陳穎欣(Yanny)及林家熙(Locker)等,前日在九展舉行「一周年現場版」,使出渾身解數娛賓,Dear Jane及ToNick擔任表演嘉賓外,古天樂和Stephy(鄧麗欣)先後擔任「見工」嘉賓,和游學修等對談大放笑彈!

  游學修面對老闆古仔亮相扮見工者時,說稱呼前輩為古仔似不太合適:「聽聞好多稱呼你(古仔)都唔鍾意,所以我從來冇叫過你,你有冇發現?我從來冇稱呼你,應該點稱呼你呢先生?」古仔笑道:「我知你從來都冇稱呼過我,我覺得你個人好冇禮貌。」游即問:「你講,咁我以後都咁叫你。」古仔道:「叫我古仔得啦!」並稱游等為修哥、豪哥及賢哥,全場爆笑!

游學修自爆「破產」

  游學修問古仔最欣賞「試當真」那位女成員?古仔即說:「梗係Locker條女(吳家忻),因為佢條片直到今日仍係最多人睇。」古仔其後要即場配音,有些「甩嘴」亦成功過關。游學修在台上問觀眾,若「試當真」拍電影看不看?觀眾報以歡呼聲,他即說「下次戲院見」!游學修受訪時,被問到是否已找古仔洽談投資拍電影?他說:「如果有想法,他一定會支持。明年是好時機。(找古仔投資或演出?)好多可能性,睇佢啱唔啱玩(已有劇本?)當然有故事袋住,但要先建構好。」

  游學修更自爆去年10月26日如「破產」,沒錢交租兼要問公司借糧,而自己現在的經濟情況算不錯。許賢和蘇致豪在台上揚言要向「咩話」宣戰,似向MIRROR挑機,問到怕否惹對方粉絲不滿?蘇致豪說:「好似好大火藥味,但只是玩。」

其他文章
hd