首頁 日報娛樂

直擊快鏡式Shopping睇啱即掃 何超盈o氹2歲女買嘢︰「BB呢啲都好靚吖」

29/10/2021
溫馨o氹女 
■超盈抱住囡囡行玩具精品店。
溫馨o氹女 ■超盈抱住囡囡行玩具精品店。

        2018年,已故賭王何鴻燊的四房長女何超盈跟年輕7歲、來自哈爾濱的哈佛大學高材生辛奇隆訂婚,翌年8月剖腹誕下八磅囡囡辛千覓(Audrey Rose 「荷包蛋」)。話咁快「荷包蛋」已經兩歲,小妹妹好得意好活潑仲好有自己主見,點解咁講?日前下午,31歲何超盈同囡囡、兩個本地及外籍保母一個菲傭加一個保鑣去利園Shopping,翻肥年輕阿媽力o氹囡囡買嘢,當中包括鞋仔及公仔,「呢啲都好靚吖,BB。」但兩歲「荷包蛋」冇興趣,仲將鞋仔放落地示意NONO,一心只想行嚟行去同周圍摸吓嘢,好有性格。

採訪︰梁志明

        當日,六人購物組現身銅鑼灣利園一間童裝店,戴住白色Cap帽,着住蝦肉色長外套,頭髮有啲乾乾哋嘅超盈係咁揀童裝,唔同深淺嘅粉色及灰色衞衣仔,仲有褲仔,可能做緊半價至七折嘅關係,超盈摩打手係咁揀,見佢冇睇價錢幾分鐘就揀咗一大堆,仲要唔使試,完全係快鏡式Shopping睇啱即掃。

超盈揀咩囡囡都唔Like

  阿媽揀衫期間,保鑣就陪住戴咗透明面罩,全身名牌嘅「荷包蛋」揀鞋仔,然後阿媽加入O氹女,拎起唔同鞋仔,包括花花布鞋同囡囡講,「呢啲都好靚吖,BB。」但囡囡冇興趣,一嘢丟落地,然後仲愈行愈遠,行到出舖頭外。之後超盈同囡囡轉去睇玩具精品,阿媽又拎起公主餐具同獨角獸公仔又英文又廣東話咁Sell囡囡,但後者又係冇興趣,反而拎起啲遮係咁篤落地,好似睇緊《壞蛋獎門人》咁,都幾好笑。

萬千寵愛的「荷包蛋」

  最後超盈買咗隻大Miffy公仔,一張卡同一樽粉紅色閃粉Gel,再轉場去嬰兒用品店,不過佢一入舖已經去收銀畀錢,睇嚟之前訂咗貨當日去拎。超盈買咗好多嘢,由保鑣拎住,等七人車期間,戴咗副超嘅囡囡由菲傭抱住,超盈就係咁用大公仔去撩囡囡,可能因為身形同之前好唔同,冇乜人留意到超盈,等咗幾分鐘有車,保姆安頓超盈及囡囡上車後先上車。

其他文章
hd