首頁 日報娛樂

拍劇伏屍染血浴缸死得恐怖 陳庭欣工作至上未打算嫁入豪門

19/11/2021
■陳庭欣強調工作同感情分得好開,就算結咗婚都要工作。
■陳庭欣強調工作同感情分得好開,就算結咗婚都要工作。 (1/8)

  陳庭欣(Tobe)在台慶劇《換命真相》中要伏屍染血浴缸,加埋陰暗燈光,連10億男朋友楊振源(Benny)都覺得好恐怖!Toby在劇中飾演情婦,她表示好難演,亦都係一個挑戰:「因為我永遠出現喺回憶中,對手戲唔多,反而多喊戲,角色相當沉重,好彩人愈大經歷愈多,增添咗情感。」採訪:方騫平 攝影:葉君海



  Toby最深刻拍浸浴缸自殺戲,因為喺凌晨拍,現場環境令人毛骨悚然,在場的劉佩玥都話驚驚。不過,Toby猛話好玩:「o依家我最想拍啲未拍過嘅嘢,好似跳樓戲咁,睇吓自己有冇畏高。(觀眾想睇你性感多啲!)哈!咁我着到好性感去跳樓咪得囉!其實性感與否還要角色配合,好似《踩過界》演跨性別人士,要合成女兒頭男人身去露兩點,呢幕令人好深刻。」

  疫情下陳庭欣於黃大仙置業供兩老安居,而她則進駐九肚山億元豪宅,對此,她唔想多講:「呢度唔關我事(男友租畀你住?) 總之唔係我租,好擔心啲新聞令人誤會我唔使返工,其實我每日都努力工作,疫情下仲搞咗個寵物頻道增加曝光率。」Toby未有結婚打算:「我對自己有信心,而且我哋相處得好舒服。結咗婚唔一定係少奶奶,大家睇得《溏心風暴》少咩。」

其他文章
hd