首頁 日報娛樂

讚電視城靈體好有規矩 徐加晴Jessica揭古裝街最多鬼

20/11/2021
■徐加晴(右)跟Jessica訪問時無線咪受干擾,她們解釋怕靈體阻礙訪問,專登散發氣場保護而影響。
■徐加晴(右)跟Jessica訪問時無線咪受干擾,她們解釋怕靈體阻礙訪問,專登散發氣場保護而影響。 (1/3)

  TVB全新靈異節目《搵鬼去電視城》,由歌手徐加晴和Jessica Yau(丘可欣)組成「靈力女團」再聯同其他主持,以電視城為背景,每集到不同「猛鬼」位置探靈。她們都指古裝街最多靈體聚集,又盛讚電視城的靈體特別有規矩,唔會隨便跟人返屋企。採訪、杜淑霞、李潔瑜 攝影:葉君海

  徐加晴和Jessica均天生有通靈能力,近年主力從事有關工作,以往都有聽聞電視城好猛鬼,今次獲製作組邀請擔任顧問,感覺好新鮮。

  徐加晴講到拍攝古裝街的親身經歷,「一入去就見到有個新娘企喺度,隔籬嗰啲就圍住棺木喊。」而Jessica同靈體溝通完,得知靈體在他們的空間拍緊戲,「場戲係新娘同棺木入面嘅新郎道別,隔籬嗰啲喺度喊。」徐加晴叫導演邀請靈體加入拍攝,「導演同佢哋講『各位靈體可唔可以加入我哋而家呢個拍攝,大家可以任意入鏡頭。』一講完,好恐怖,所有門、窗、木櫈係咁『嘭嘭嘭』聲!」徐加晴形容靈體就好似拍手掌一樣,好興奮。

  完成拍攝,徐加晴對電視城的靈體有新睇法,「同呢度靈體溝通係舒服,佢哋心願覺得係呢度嘅人,好想加入拍攝,終於畀機會佢哋實現願望,都覺得幾有趣。」這次經驗亦令Jessica改觀,「以前叫人唔好靈探,因為好似騷擾佢哋,但電視城感覺又唔同,同佢哋有溝通,亦都畀機會佢哋出鏡。電視城嘅鬼會自成一國,有自己制度,同出面最大分別係唔會跟人返屋企,好嚮往喺呢度。」

其他文章
hd