首頁 日報娛樂

着Shocking Pink背心行街好搶眼 黃浩然帶家人食米芝蓮拉麵

23/11/2021
■一家四口去銅鑼灣行街,再急步行去食拉麵。
■一家四口去銅鑼灣行街,再急步行去食拉麵。 (1/8)

  因為14年一場大病,令黃浩然(Raymond)突然覺悟,唔好做死自己,要平衡工作,同花更多時間陪屋企人,病過方知身體健康的重要性,自始Raymond就狂做運動,特別係跑步,日跑夜跑又做Gym,而家變咗鋼條,仲感染埋老婆同兩個仔,分別係10歲Kayden及8歲Ransley,家庭樂就係做運動。採訪:梁志明

  日前傍晚,着住Shocking Pink背心,潮孭心口斜孭袋的黃浩然同老婆及兩個仔現身銅鑼灣百德新街,老婆拖住細仔行快啲,一家之主同大仔殿後,其間黃太行過間時裝店就指畀老公睇,睇嚟有嘢睇啱,不過最後冇入舖,原來佢哋趕住去醫肚。

  黃氏一家去咗食過江龍,連續兩年奪得《東京米芝蓮》一星榮譽的拉麵店,食咗兩個鐘滿足離開,食店對面嘅樓上好似有Crew拍緊嘢,唔知拍戲拍劇定拍廣告,黃浩然同老婆一出食店就發現,兩人忍唔住抬頭望咗幾眼,男方就輕攬老婆條腰示意向前行唔好再望,然後黃太就行去睇瑜伽運動服,見佢睇中件橙色Top,拎起望咗一陣,一件幾百蚊,本身有家底,老公又搵到,買得起有餘,不過,黃太諗咗陣都係放低,喺店內行咗半個鐘就同老公及兩個仔離開。

其他文章
hd