?>
首頁 日報娛樂

短褲街坊Look掃玩具 何超盈童心未泯 興奮過2歲囡囡

30/11/2021
阿女冇癮
■何超盈帶囡囡「荷包蛋」行玩具舖,不過阿女似乎唔係好感興趣。
阿女冇癮 ■何超盈帶囡囡「荷包蛋」行玩具舖,不過阿女似乎唔係好感興趣。

  已故賭王何鴻燊四房長女何超盈,2020年做人妻嫁畀細佢7年嘅哈佛大學高材生辛奇隆(Thomas),二人育有一女。眨吓眼辛千覓(Audrey Rose 「荷包蛋」)已經2歲,性格亦都更見明顯。早排超盈帶囡囡去買衫仔鞋仔同公仔,「荷包蛋」好似冇乜反應咁,以為小妹妹心情麻麻,點知日前超盈再帶「荷包蛋」去買玩具,小妹妹對玩具又係冇興趣,呢位小朋友個性相當得意呀!
「荷包蛋」含住鑽石鑰匙出世,基本上要乜有乜,但不論家底富唔富裕,小朋友本性應該都係貪玩㗎嘞!不過「荷包蛋」與眾不同,見到玩具都不為所動。日前戴住粉紅Cap帽,着牛仔短褲的超盈同囡囡喺銅鑼灣行玩具舖,一入舖頭超盈已經跳跳紮,睇落仲開心過個女,真係童心未泯呀!「荷包蛋」全程都坐喺購物車,由媽媽超盈遞玩具問佢意見,但「荷包蛋」依然好似悶悶不樂咁,近距離見到玩具都提唔起勁,咁奇怪都有嘅。
培養個女要有時間觀念
  雖然「荷包蛋」對玩具冇興趣,但完全唔影響媽媽超盈血拼嘅決心,最後買咗幾條公主裙同智能兒童手錶畀「荷包蛋」。買公主裙唔知係咪想幫囡囡搞化妝舞會呢?至於買智能兒童手錶,相信超盈可能想培養「荷包蛋」嘅時間觀念,加上可以影相拍片,話唔定培養到佢愛上攝影,以後父母突然想留倩影都唔怕搵唔到人揸機啦。
「荷包蛋」全程唔使落地
  「荷包蛋」喺玩具舖行咗幾步路,就即刻坐上購物車。而離開玩具舖之後,「荷包蛋」一樣唔使落地,事關佢行到邊都有工人姐姐抱住。不過超盈並唔係將個女交畀工人照顧就算數,沿路都有Keep住同「荷包蛋」傾吓偈,關心吓個女。臨上車前,「荷包蛋」指住個天好似有嘢發表咁,超盈都即刻走近聽囡囡分享,深怕囡囡覺得被冷落。上到車就親自抱「荷包蛋」坐返喺佢個專屬位置,真係當正公主咁照顧有加。平時超盈畀人服侍慣,而家做咗媽媽要照顧返囡囡都有板有眼,呢位媽媽認真抵讚呀!
採訪:梁志明


阿媽興奮■反而做阿媽嘅何超盈就跳跳紮,似係阿女陪佢買玩具多啲呀!

阿媽興奮■反而做阿媽嘅何超盈就跳跳紮,似係阿女陪佢買玩具多啲呀!
買裙買錶■何超盈認真為「荷包蛋」揀玩具,最後買咗公主裙同一隻兒童智能手錶。
買裙買錶■何超盈認真為「荷包蛋」揀玩具,最後買咗公主裙同一隻兒童智能手錶。
坐車「觀光」■「荷包蛋」全程坐喺購物車上,喺玩具舖「觀光」,阿媽遞埋玩具畀佢揀,都冇乜興趣。
坐車「觀光」■「荷包蛋」全程坐喺購物車上,喺玩具舖「觀光」,阿媽遞埋玩具畀佢揀,都冇乜興趣。
工人抱實■揀完玩具冇再行其他舖頭,「荷包蛋」由工人姐姐抱實去坐車。
工人抱實■揀完玩具冇再行其他舖頭,「荷包蛋」由工人姐姐抱實去坐車。



阿媽興奮■反而做阿媽嘅何超盈就跳跳紮,似係阿女陪佢買玩具多啲呀!
阿媽興奮■反而做阿媽嘅何超盈就跳跳紮,似係阿女陪佢買玩具多啲呀!
買裙買錶■何超盈認真為「荷包蛋」揀玩具,最後買咗公主裙同一隻兒童智能手錶。
買裙買錶■何超盈認真為「荷包蛋」揀玩具,最後買咗公主裙同一隻兒童智能手錶。
坐車「觀光」■「荷包蛋」全程坐喺購物車上,喺玩具舖「觀光」,阿媽遞埋玩具畀佢揀,都冇乜興趣。
坐車「觀光」■「荷包蛋」全程坐喺購物車上,喺玩具舖「觀光」,阿媽遞埋玩具畀佢揀,都冇乜興趣。

其他文章
hd