?>
首頁 日報娛樂

靈力提升拍《怪談》更覺驚 關寶慧聽到已故羅君左講嘢

02/12/2021
■寶慧相隔16多年再主持新一輯《怪談•一路好走》,感覺好新鮮。
■寶慧相隔16多年再主持新一輯《怪談•一路好走》,感覺好新鮮。

  關寶慧相隔16年多再主持新一輯《怪談•一路好走》,她自爆當年主持了5年多節目,不識得保護自己,因而招惹了不少靈體返家,所以今次再主持會更小心,做足預防及善後措施。她又坦言現在靈力提升,更易跟靈體接觸,在家也試過聽到已故好友如羅君左等跟她說話,所以現在拍節目去探靈會更加驚。 撰文:杜杜         攝影:沈健程 化妝:Clara Chan@Purple Star 製作公司         場地:The AIR(The ONE)
  寶慧坦言獲節目邀請曾想過婉拒,因當年主持時搞到一屋鬼,「嗰5年我係惹咗好多靈體返屋企,嗰時每次錄完會畀返錄影帶我番屋企,儲埋成櫃都係,佢哋就跟埋返屋企,每日玩燈膽、玩水制、玩衣櫃,終於我要做法事整走佢哋,師傅話係塞爆成間屋咁多,我叫人嚟裝修,每日整到4點幾間屋就會嘭嘭聲好似拆樓咁,又有人聲嘈雜聲,啲裝修師傅驚到走,後尾層樓都係賣咗。」
  雖然有慘痛經歷,但寶慧問過玄學師傅意見可照拍節目,「佢哋話OK嘅,因為我係屬於陰嘅命,我做呢啲冇問題。」不過今次她學識保護自己,事前善後都做足準備,「有唔同師傅畀我嘅符,銀包啲符厚過啲銀紙,又有水晶同觀音,必要時會噴符水,上次係唔識死,今次唔同,收工就喺現場化番嘢畀佢哋,私下會再搵師傅幫我化嘢,返屋企會喺門口燒符,返屋企再搵嘢沖涼再點香,七師傅教要轉左3個圈,再轉右3個圈先至沖得涼,每次搞好耐先至瞓得覺。」
  今次節目會到不同地方探靈,寶慧感覺比以前更驚,因她靈力高了可跟更多靈體溝通,不過因而可幫到朋友,「而家係不論咩環境,日夜都可以見到同埋聽到佢哋,譬如聽到走咗嘅朋友羅君左同我講嘢,把聲唔係佢嚟,但好肯定佢講嗰個內容,因為我好鍾意搽睫毛液擘大個口,羅君左成日笑我『唔口乾嘅咩』所以認到係佢。又試過有朋友好後生撞車走咗,有日忽然諗起佢就聽到佢話想要智能電話,我好樂意拍攝現場有靈體需要我幫助,幫到都係好事。」



羅君左

羅君左
■拍攝時,寶慧試過一個人去探靈,都咪話唔驚。
■拍攝時,寶慧試過一個人去探靈,都咪話唔驚。
■寶慧今輯跟AP一齊主持,仲首次跟七仙羽師傅合作。
■寶慧今輯跟AP一齊主持,仲首次跟七仙羽師傅合作。
■節目每次到不同地方探靈,都會有簡信回等玄學師傅同行。
■節目每次到不同地方探靈,都會有簡信回等玄學師傅同行。
■拍攝不時會被靈體騷擾,搞到對講機經常失靈。
■拍攝不時會被靈體騷擾,搞到對講機經常失靈。



羅君左
羅君左
■拍攝時,寶慧試過一個人去探靈,都咪話唔驚。
■拍攝時,寶慧試過一個人去探靈,都咪話唔驚。
■寶慧今輯跟AP一齊主持,仲首次跟七仙羽師傅合作。
■寶慧今輯跟AP一齊主持,仲首次跟七仙羽師傅合作。



羅君左
羅君左
■拍攝時,寶慧試過一個人去探靈,都咪話唔驚。
■拍攝時,寶慧試過一個人去探靈,都咪話唔驚。
■寶慧今輯跟AP一齊主持,仲首次跟七仙羽師傅合作。
■寶慧今輯跟AP一齊主持,仲首次跟七仙羽師傅合作。

其他文章
hd