拍《仁醫》有意外收穫 鄭嘉穎搭免費的士

　　鄭嘉穎、應屆港姐宋宛穎、梁凱晴和邵初昨日出席「高錕慈善基金」聖誕籌款活動，吸引不少途人圍觀，更不時有人稱呼嘉穎做「鬍鬚醫生」，嘉穎笑指因《星空下的仁醫》而令他可以搭免費的士，算是意外收穫。
　　鄭嘉穎對於重返熒幕的作品《星空下的仁醫》雖然收視不是大爆，但很開心口碑很好，自爆日前首次因角色受歡迎而免費搭的士，「我拍過不少劇，都是第一次搭的士不用畀錢，我落車畀錢時的士司機話不用，叫我拍多啲好劇就得，雖然只是數十元車費，但感覺好特別，多謝那位司機叔叔。」講到他是視帝大熱人選，嘉穎謙稱不是，指自己已經攞過，不如把獎項給其他人，如張振朗和譚俊彥。嘉穎笑言現在是全職湊仔，直到通關為止，問是否一通關就會到內地工作？他說：「要搵學費，兩個仔還細，至少有20年要養，如果唔生性就更耐，想起都兩滴汗。」
　　三位應屆港姐都透露會搞聖誕派對，梁凱晴笑指每年都會和家人朋友開派對，其中一定會交換禮物，有年收過一包日本米，覺得非常實用。