首頁 日報娛樂

再開棟篤笑爆圈中秘聞 林盛斌避開敏感話題但求有趣

10/12/2021
■阿Bob希望透過棟篤笑帶出歡樂。
■阿Bob希望透過棟篤笑帶出歡樂。

  42歲嘅林盛斌(阿Bob)將於本月18日在九展舉行棟篤笑《The Bobfather 2021》,對於撮合張秀文閃嫁筍盤變身豪門新抱,阿Bob會唔會在棟篤笑分享做金牌媒人的心得,他大笑說:「佢哋發展到我已經好滿足㗎嘞!」
採訪:方騫平 攝影:沈健程

  阿Bob曾於2015年12月18日在灣仔伊館開過棟篤笑《Bob's Up》,當時大談人生高低起跌,估唔到6年後的同一日再開show,他感慨呢6年香港社會環境有好大轉變,希望開棟篤笑畀大家唞唞氣,開心迎接2022年。
擺埋房事上台
  關於內容,阿Bob坦言會自我審查避開敏感話題,着重講吓家庭、事業、社會現象,希望得到大家共鳴:「會有少少揞名爆圈中嘅秘密嘢,但爆料唔會係主力,反而擺老婆同仔女話題上台,好似外間成日覺得我重男輕女錫晒細仔Jaye,其實係因為佢仲細會多啲關注佢,而且佢好嗲好得意,至於囡囡就大晒,佢哋識睇個世界,唔會再相信爸爸係最靚仔,o依家我喺屋企冇地位!我又會加啲創作元素爆老婆Pearl嘅嘢,如話佢成日假民主,甚至兩公婆啲房事、兩性關係等,少少鹹多多趣!」
  亦會提及醉酒失儀、通波仔走出鬼門關及點樣面對網上攻擊等話題。至於會否分享做金牌媒人心得?他笑說:「我當然好戥張秀文同王大權開心啦!其實只要兩人發展得開心快樂,已經好滿足,唔使特別多講。」■林盛斌會擺埋房事上台。

■林盛斌會擺埋房事上台。
■有三女一子嘅阿Bob家庭生活好快樂。
■有三女一子嘅阿Bob家庭生活好快樂。
■細仔Jaye好精靈,人見人愛。
■細仔Jaye好精靈,人見人愛。
■林盛斌話醉酒失儀都係佢嘅人生課題。
■林盛斌話醉酒失儀都係佢嘅人生課題。
■阿Bob會好似Godfather咁有好多金句鼓勵觀眾。
■阿Bob會好似Godfather咁有好多金句鼓勵觀眾。
■3年前阿Bob的3條血管塞晒,通波仔搞咗5粒鐘。
■3年前阿Bob的3條血管塞晒,通波仔搞咗5粒鐘。
■阿Bob成功為張秀文牽紅線下嫁筍盤。
■阿Bob成功為張秀文牽紅線下嫁筍盤。

其他文章
hd