?>
首頁 日報娛樂

歎啡過日辰助手全程傍實 85歲謝賢撐枴杖入餐廳險跌倒

15/12/2021
差啲跌倒
■四哥行入餐廳,心急得滯險跌倒。
差啲跌倒 ■四哥行入餐廳,心急得滯險跌倒。

  85歲謝賢(四哥)鏡頭前永遠英俊瀟灑,不過近年多次傳出他身體抱恙,去年出席已故好友譚炳文(炳哥)喪禮時更罕有地撐枴杖現身,加上沒有出席老友胡楓(修哥)6月舉行的紅館演唱會,令人擔心他的健康狀況。日前,本報撞到四哥喺淺水灣散步,同樣撐住枴杖,今次仲有助手全程照顧,見佢精神好好,星味依然濃,引來途人係咁偷望。採訪:張詠森
  7月時四哥為主演電影《殺出個黃昏》做宣傳,都見他風采依然。之後更孖前妻狄波拉(拉姑)一齊睇阿仔謝霆鋒主演電影《怒火》首映,見他着得咁靚仔、步履輕盈咁蒲頭大家都放心晒。不過四哥話晒85歲,私下出入都需要枴杖輔助吓!日前,謝霆鋒在節目上大爆高齡老父在家喪失自理能力,做仔嘅仲覺得爸爸好可憐,擔心四哥之際,原來霆鋒口中嘅自理能力就係藝人大小事都有人幫忙處理,久而久之就會喪失自理能力,謝霆鋒就用爸爸做例子,呀唓,嚇死人咩。
星味濃引人望
  日前晏晝約4點,四哥連同助手坐七人車到達淺水灣,先到商場行陣。見四哥行動都比鏡頭前緩慢,手持枴杖行得好小心。其間都冇乜行入舖頭,喺商場得個行字,相信都係打發時間居多。由於四哥以一身招牌打扮,黑超、Cap帽、黑色外套加埋條馬尾,途人一眼就認出他是四哥,濃到化不開的星味真係唔輸俾而家班鏡仔㗎!
  四哥雖然有枴杖輔助,但亦都帶埋男助手出街,而呢位助手哥哥都好盡責,對眼好少離開四哥,尤其注意四哥啲腳步。好似落扶手電梯咁,佢都有伸手扶一扶,離開扶手電梯都望到實四哥每一步,深怕他跌倒。二人步出商場,助手陪四哥到長椅休息,隨後到餐廳嘆啡。入餐廳時要抬腿跨一級,四哥似乎有啲心急,差啲跌倒,助手同餐廳員工都即時嚇一嚇,伸手扶實四哥。歎咗一陣啡就埋單,但四哥似乎想食多支「啡後煙」先上車,不過身上冇煙惟有作罷,最後乖乖跟助手上車離開。寫意歎啡■四哥雖然話永不言退,但生活步伐早已慢下來,呢日見佢歎咖啡都非常寫意。

寫意歎啡■四哥雖然話永不言退,但生活步伐早已慢下來,呢日見佢歎咖啡都非常寫意。
招牌打扮■四哥一身招牌打扮行街,途人都忍唔住偷望。
招牌打扮■四哥一身招牌打扮行街,途人都忍唔住偷望。
助手扶實■四哥雖然攞住枴杖,但助手都扶實佢落扶手電梯。
助手扶實■四哥雖然攞住枴杖,但助手都扶實佢落扶手電梯。
長椅攤唞■喺淺水灣打發時間,臨近黃昏最好就坐喺長椅望吓海。
長椅攤唞■喺淺水灣打發時間,臨近黃昏最好就坐喺長椅望吓海。
霆鋒爭氣■四哥同拉姑都是一代巨星,大仔霆鋒可以話係青出於藍。
霆鋒爭氣■四哥同拉姑都是一代巨星,大仔霆鋒可以話係青出於藍。
貢獻良多■四哥為演藝圈貢獻良多,2019年獲金像獎頒終身成就獎。
貢獻良多■四哥為演藝圈貢獻良多,2019年獲金像獎頒終身成就獎。
感情成謎■四哥於17年宣布與相差49歲嘅上海女友Coco分手,結束12年感情,但隨後多次傳出復合。
感情成謎■四哥於17年宣布與相差49歲嘅上海女友Coco分手,結束12年感情,但隨後多次傳出復合。
出席首映■8月仲同前妻拉姑一齊睇《怒火》首映支持霆鋒。
出席首映■8月仲同前妻拉姑一齊睇《怒火》首映支持霆鋒。
罕持枴杖■去年出席已故好友炳哥喪禮,四哥罕有持枴杖現身。
罕持枴杖■去年出席已故好友炳哥喪禮,四哥罕有持枴杖現身。
唔肯覆機■6月好友修哥開騷,都話想搵四哥做嘉賓,不過就呻四哥冇覆機。
唔肯覆機■6月好友修哥開騷,都話想搵四哥做嘉賓,不過就呻四哥冇覆機。
精神見人■雖然屢傳四哥身體抱恙,但7月時為《殺出個黃昏》宣傳都不知幾精神。
精神見人■雖然屢傳四哥身體抱恙,但7月時為《殺出個黃昏》宣傳都不知幾精神。

其他文章
hd