首頁 日報娛樂

做帶貨狂賺百幾萬 范振鋒李思欣開KOL學校搵新血

03/01/2022
■阿范、李思欣及導師KOL ViVi。
■阿范、李思欣及導師KOL ViVi。

  去年9月范振鋒離開TVB,因為疫情影響,阿范的司儀Job減少,老婆李思欣都係靠「炒散」,好彩最後兩公婆搵到新方向,兩人拍住KOL ViVi做帶貨員,兼且做埋KOL學校「校監」,培訓學員及提供意見。范振鋒笑說:「呢個年代出咗好多被追捧嘅偶像,我一把年紀再唔轉型會被淘汰。」採訪:方騫平 攝影:沈健程 場地:Amber’s Table
  聖誕節及新年係藝人黃金檔期,范振鋒夫婦坦言接Job多咗,但去唔返最好搵嘅階段:「o依家啲客多數都係提出搵MIRROR,喺咁嘅環境真係唔可以再瞓身做藝人,所以點都要衝破做藝人界限,接受挑戰。」思欣同意老公說法,承認做藝人真係好被動。阿范更用老闆阿Bob(林盛斌)做例子:「佢o依家都搞網上頻道,仲開埋網店,大勢所趨冇辦法。」
李思欣唔願再簽約
  范振鋒和李思欣年前開始以「夫妻檔」喺新城電台開直播帶貨,因為經驗不足反應冷淡,阿范坦言只係得3位數字營業額,直至搵到KOL ViVi幫手先開始有好成績,經多次實戰開LIVE狂賺百多萬,兩公婆分到唔錯利潤,收入同做藝人咁上下,o依家兩公婆再下一城做埋KOL學校「校監」,ViVi就係導師,希望培育到新血。TVB之前重播《最美麗的第七天》,李思欣少女清純look獲網民大讚,不過思欣滿足現狀,暫時無意再被綁:「反而做吓綜藝節目都ok嘅。」■38歲李思欣身穿大露背裝,依然好索。

■38歲李思欣身穿大露背裝,依然好索。
■2004年,李思欣拍攝TVB處女作《赤沙印記@四葉草.2》。
■2004年,李思欣拍攝TVB處女作《赤沙印記@四葉草.2》。
■李思欣都有做開KOL。
■李思欣都有做開KOL。
■三人瞓身搞KOL學校。
■三人瞓身搞KOL學校。
■兩公婆剛慶祝結婚十周年,好Sweet。
■兩公婆剛慶祝結婚十周年,好Sweet。
■MIRROR成員好受廣告客戶歡迎。
■MIRROR成員好受廣告客戶歡迎。

其他文章
hd