?>
首頁 日報娛樂

做音頻治療師助管理情緒 陳明憙新年望為父母治療

10/01/2022
■29歲的Jocelyn入行5年以來,一直親自創作歌曲。
■29歲的Jocelyn入行5年以來,一直親自創作歌曲。

陳明憙(Jocelyn)最近以嘉賓身份,為港台電視31節目《大師對談》環節「心靈‧洗滌」擔任主持,介紹音頻治療。前年她因滯留美國趁機考取音頻治療師資格,之後返港開設工作室,她坦言這份工作不但幫到人,亦有助管理自己情緒,她趁新年一家團聚,還打算首次為父母陳少琪和黃靄君進行治療。 採訪:杜淑霞

Jocelyn坦言一向對神秘學有興趣,當時在美國逛書店搵這類書,無意中發現了音頻治療的書,令本來對音頻治療有興趣的她,對這方面更加了解,「我趁住滯留美國半年時間,正式上英國學校嘅遙距課程學習,考埋音頻治療師牌,而我主要以音叉嚟幫助做治療,今次好開心有機會喺節目中分享呢樣嘢。」

返港開設工作室1年,Jocelyn已為過百過人進行過治療,她認為這份工作不但幫到人,對自己也有很多好處,「治療幫到人解決情緒或者健康問題,當然開心,其實對自己情緒管理都有幫助,因為每次要幫人治療,首先要自己情緒好穩定先得。同埋呢兩年因為疫情,表演嘅工作真係少咗好多,幫人做治療每次個半鐘,收費約800蚊,都幫補到自己經濟,嚟緊就算表演工作多番,都會繼續做音頻治療。」

Jocelyn除繼續進修音頻治療有關課程外,還將音頻治療結合音樂創作,「之前出咗第一首音頻治療嘅歌《聲之靜》,希望可以出到5至7首呢類歌,結合出到隻EP,呢個都係未來做音樂嘅方向,好多人都話聽完《聲之靜》會好瞓咗,又或者有人鍾意朝早聽,話聽完嗰日會好精神,我覺得可以幫到人都好有意義。其實音頻治療嘅範疇好濶,我仲有好多知識可以去探索,自己對呢個方面嘅興趣亦愈嚟愈大。」不過Jocelyn暫時仲未幫父母進行過治療,「爹哋媽咪一直都喺北京住,要照顧我細佬陳明朗(愛犬),所以我仲未有機會幫佢哋治療,等而家自己經驗多啲都好,新年會一家團聚,希望到時可以幫佢哋治療。」■Jocelyn早前首次推出音樂治療歌曲《聲之靜》。

■Jocelyn早前首次推出音樂治療歌曲《聲之靜》。
■Jocelyn笑指父母陳少琪和黃靄君忙於照顧「細佬」陳明朗,已少理她和胞妹。
■Jocelyn笑指父母陳少琪和黃靄君忙於照顧「細佬」陳明朗,已少理她和胞妹。
■Jocelyn坦言因疫情表演工作大減,做音樂治療幫補到經濟。
■Jocelyn坦言因疫情表演工作大減,做音樂治療幫補到經濟。
■Jocelyn為《大師對談》環節「心靈‧洗滌」擔任嘉賓主持,介紹音頻治療。
■Jocelyn為《大師對談》環節「心靈‧洗滌」擔任嘉賓主持,介紹音頻治療。
■Jocelyn認為音樂治療幫到人之餘,亦幫到自己。
■Jocelyn認為音樂治療幫到人之餘,亦幫到自己。
■Jocelyn除了幫人進行音樂治療,也有教授這課程。
■Jocelyn除了幫人進行音樂治療,也有教授這課程。

其他文章
hd